اسلام آباد۔18دسمبر(اے پی پی ) حالءُ احیوال کاری ءُ شنگکاری ءِ بنجاہی وزیر چوہدری فواد حسین ءَ اِزمکار علی اعجاز ءِ بیرانی ءِ دلپدردیءِ درشانی کتگ ۔ سے شمبے ءِ روچءَ وتی دلپددری بیان ءَ بنجاہی وزیر ءَ گشتگ کہ پاکستان یک جوانیں اِزمکارے ءَ چہ زھبار بوتگ، اِزمءِ پڑءَ آئیءِ کمی دائمءَ مارگ بیت۔ آئیءَ گشتگ کہ علی اعجاز یک زانت کاریں اِزمکارے بوتگ کہ آئیءَ ہمک کارستءَ را جوانیءَ پیلو کتگ۔ بنجاہی وزیرءَ گشتگ کہ آئیءَ تژنءُ بچکندءَ را یک نوکیں رنگے داتگ۔ بنجاہی وزیرچوہدری فواد حسینءَ گشتگ کہ اللہ تعالیٰ حُدا مرزی ءَ را وتی رحمتاں جاگہ بہ دنتءُ پشپدءَ سگءُ اوپار بہ دنت۔
