اسلام آباد ۔ 18 دسمبر (اے پی پی) نظریہ پاکستان کونسل نا مجلس عامہ نا خصوصی سلہ غا مسیحی سرکڑدہ و نمائندہ شخصیت آتیا تالان ڈل (پگہ) پنچ شنبے نادے آ ایوان قائد آ بریک ہراڑے کونسل نا کنڈآن مسیحی برادری تون خیر سگالی نا درشانی ٹی کرسمس نا روایتی کیک اس کاٹ کننگک۔ مسیحی ڈل انا سرکڑدہ ہی ءِ کونسل نا مجلس عاملہ نا باسک منظور مسیح کیک۔ ریورنڈ اعما نوایل لورین، ریورنڈ ندیم کامران، ریورنڈ راشد منظور تون اوار سرکڑدہ مسیحی زالبول و خواجہ غاک ڈل انا بشخ مریرہ وخت اس کہ کونسل نا کنڈآن چیئرمین ڈاکٹر نعیم غنی و مجلس عاملہ نا ایلو باسک آک ڈل ءِ بخیر اٹ پارہ۔ مسیحی برادری تون کرسمس نا وخت آ یکجہتی نا درشانی کونسل نا روایت غیر سگالی نا بشخ ءِ ہرانا بناءِ کونسل نا بانی چیئرمین زاہد ملک مرحوم منہ سال مست کریسس۔
