اسلام آباد۔ 18 دسمبر (اے پی پی) بنجائی وزیر ریلوے شیخ رشید احمد پارینے کہ کشمیر نا ویل ءِ جہانی کہول آ تالان کننگ کن کشمیری تتون سلنہ، مودی متعصب ءُ لیڈر اسے، دنیاٹی شونداری نا کسر اوغانستان وخت اس کہ اوغانستان نا غٹ کسر ک پاکستان آن پیش تمرہ، پاکستان نا بندرگاک دنیا ٹی غٹ آن گہرا ءُ، نن بدقسمت اُن کہ نن تینا ملک انا خذمت ءِ کتون۔ او سے شنبے نادے داڑے قائد کشمیر چوہدری غلام عباس نا 51می برسی نا دود آن تران کریکہ ہرانا بست وبند ءِ آل جموں کشمیر مسلم کانفرنس کریسس۔ دود آن آزاد کشمیر نا صدر سردار مسعود خان ، وزیراعظم آزاد کشمیر راجہ فاروق حیدر خان، مسکوہی وزیراعظم و مسلم کانفرنس نا صدر سردار عتیق احمد خان ، آزاد کشمیر کانود ساز اسمبلی نا باسک آک، حریت راہشونک ہم تران کریر۔
