بنجائی وزیر اطلاعات و نشریات چوہدری فواد حسین نا فلم و ٹی وی نا پنی آ فنکار علی اعجاز نا کزیت آ ہڑزخواہی نا درشان

اسلام آباد۔ 18 دسمبر (اے پی پی) بنجائی وزیر اطلاعات ونشریات چوہدری فواد حسین فلم و ٹی وی نا پنی آ فنکار علی اعجاز نا کزیت آ ڈکھ و است ہسونی نا درشانی ءِ کرے۔ سے شنبے نادے تینا ہڑزخواہی بیان اٹی بنجائی وزیر پارے کہ اینو پاکستان اسہ ورسٹائل فنکار اسے آن محروم مس، فن نا دنیا ٹی اونا کمی ءِ مدام محسوس مریک۔ اوپارے کہ علی اعجاز ہمو باصلاحیت فنکار ئس ہرا مزاحیہ و سنجیدہ کڑد بے کچ خوبصورتی اٹ ادا کرے ۔ وزیر اطلاعات پارے کہ او مزاح ءِ اسہ پوسکن ءُ رنگ اس تس، ہراتم او ٹریجڈی کڑد کرے تو سال آ سال گدرینگ انگ آن پد ہم خلقت اودے گیرام کننگ کتو۔ وزیر اطلاعات چوہدری فواد حسین دعا کرے کہ اللہ تعالیٰ ایماندار ءِ جنت الفردوس اٹی جاگہ ایتے و اونا خاہوت ءِ صبر کننگ نا توفیق عطافرمائفے۔