اسلام آباد۔ 18 دسمبر (اے پی پی) آزاد کشمیر نا صدر سردار مسعود خان پارینے کہ بھارت ریاستی دہشت گردی نا کمک اٹ مقبوضہ کشمیر اٹی نناورناتے کڑو کڑو آ خلنگ ءِ و کشمیری و پاکستان آ دہشت گردی نا بے بنداو دوبہ ہم خلنگ ءِ۔ کشمیریک دہشت گردی کپننگ ءُ بلکن او اسہ دہشت گرد ملک اسے نا کنڈآن تینا زی آ مسلط دہشت گردی ، فاشزم و نارسزم نا بیدس سلہہ غاتامقابلہ ءِ کننگ ءُ۔ اوپارے کہ بھارت نا تینا دعوی نا رداٹ مقبوضہ کشمیر اٹی بیرہ 230 عسکریت پسند (مجاہدین) ءُ ، اگہ بھارت نا دا دعوی راست ءِ تو انت جدید سلہہ و گولہ بارود آن لیس ہفت لکھ فوج 230 مجاہد آتا مقابلہ ءِ کننگ کن تولوک ءُ۔
