وزیراعلیٰ محمود خان نا ھنگو ٹی دود آن تران، میڈیا تون ہیت وگپ

پشاور۔ 18 دسمبر (اے پی پی) وزیراعلیٰ خیبر پختونخوا محمود خان پارینے کہ خیبر پختونخوا پولیس ملکی کہول آ کسبی فورس انا وڑاٹ مون آ بسنے، سے شنبے نادے آ پولیس ٹریننگ کالج ھنگو ٹی دود آن تران کریکہ ، اوپارے کہ پی ٹی آئی نا سروک عمران خان مدام پولیس فورس ءِ ہرڈول نا نیام تمنگ آن آزاد ہُننگ خواہک و اوناہی ویژن نا رداٹ گدرینگوک آ دور اٹی پی ٹی آئی نا صوبائی حکومت ہندن ءُ پولیس ریفارمز کرے ہرافتے ٹی خیبر پختونخوا پولیس ءِ سیاسی نیام تمنگ آن آجو کننگا و مچ آ ملک اکن اسہ بے مٹ ءُ فورس اس جوڑ کننگا، اوپارے کہ ہندا اصلاحات آتے ٹی خیبر پختونخوا پولیس ءِ انتظامی و مالی وتواجہی دوئی مس۔ ہرانا سوب آن پولیس نا کارکڑد اٹی نمان گچینی بس و صوبہ نا الس ہم دااصلاحات آتا ستاءِ کرے ، وزیراعلیٰ پارے کہ خیبر پختونخوا پولیس ءِ الس دوست جوڑ کننگ کن پین گام گیج ہم کننگ انگ ءِ۔