اسلام آباد۔ 18 دسمبر (اے پی پی) بنجائی وزیر جان جوڑی عامر محمود کیانی اسلام آباد G-7/3 ڈسپنسری نا اناگت دورہ ءِ کرے ڈسپنسری ٹی ساڑی سول سرجن ڈاکٹر آتے ڈیوٹی آن غیر حاضر مننگ آ سخت ترندی نا درشانی ءِ کرے و ایگزیکٹو ڈائریکٹر پولی کلینک ءِ غیر حاضر ڈاکٹر نا برخلاف دمدستی محکمانہ کارروائی کننگ نا پرمان تس۔ وزیر جان جوڑی ای ڈی ءِ پارت کرے کہ ہسپتال آتے ٹی اسٹاف نا حاضری ءِ المی جوڑ کننگے دا چرجوئی ٹی ہچ ءُ ڈیوالائی اسے سگپنہ۔ وزیر جان جوڑی ایگزیکٹو ڈائریکٹر پولی کلینک ءِ پارت کرے کہ ہسپتال آتا ناکارہ ایمبولینس آتا فہرست ءِ تننگے تانکہ اوفتا جاگہ غا ایمبولینس آتا بست وبند ءِ کننگ مرے وزیر جان جوڑی گڈسراٹی G-7/3 ٹی اسکول آف نرسنگ نا ہم دورہ ءِ کرے و اسٹاف تون اوڑدہی کرے۔
