اسلام آباد۔ 18 دسمبر (اے پی پی) قائم مقام چیئرمین سینیٹ سلیم مانڈوی والا پارینے کہ روس پاکستان تون خڑکی تعلقداری خواہک، کشمیر نا ویل انا ایسری ٹی روس اہم کڑد ادا کننگ کیک، ڈالر کبین مننگ آن نسخان مس، نجی ٹی وی سماء نا کیمرہ مین آ سیکورٹی گارڈ نا بیدادی نا مذمت ءِ کیوہ۔ سے شنبے نادے پارلیمنٹ ہاؤس اٹی سینیٹر محسن نذیر تون اوار روس انا دورہ غا احوال ترسا قائم مقام چیئرمین سینیٹ پارے کہ رشین فیڈریشن نا 25سال دے نا دوداٹی شرکت کرے۔ ننا روس انا دورہ بے کچ اہم ئس۔ روس اٹی اڈ ہلوک آ کانفرنس اٹی نن کشمیر نا ویل ءِ چست کرین۔ نن خواست کرین کہ کشمیر نا ویل بایدے زوت ایسر مرے۔ نن سلاہ تسن کہ غٹ پارلیمنٹس آک کشمیر نا ویل انا بابت قرارداد آتے منظور کیر تو اسلامی ملک آک کنا سلاہ نا ستاءِ کریر۔
