صدر ڈاکٹر عارف علوی ءِ ریجنل ڈائریکٹر ڈبیلو ایچ او ڈاکٹر احمد سلیم سیف المند ہاری ءُ ریجنل ڈائریکٹر یونیسف جین گوگ ءَ گوں گپءُ تران

اسلام آباد۔17دسمبر(اے پی پی) صدرڈاکٹر عارف علوی ءَ گشتگ کہ یونیورسل ہیلتھ کیئر ءُ جان ءُ سلامتی ءَ گوں ہمگرنچیں دیمروئی حاصل کنگءَ پہ جانءُ سلامتی ءِ پڑءَ بجٹءَ را جی ڈی پی ءِ انوگیں 0.9درسد ءَ چہ گیش کنگءُ 2درسد کنگ بوتگ۔ آئیءَ اے گپ جانءُ سلامتیءِ میاں اوستمانی اداگ (ڈبیلوایچ او) ءِ ریجنل ڈائریکٹر ڈاکٹر احمد سلیم سیف المندہاری ءُ ریجنل دائریکٹر یونیسف جین گوگ ءَ گوں گپ ءُ تران کنان ءَ کتگ کہ آہاں دوشمبے ءِ روچءَ یکے دومی ءَ گوں گپءُ تران کتگ۔ جانءُ سلامتی ءِ بنجاہی وزیرعامر کیانی ہم اے موہءَ ساڑی بوتگ۔ صدرءَ اے گپ ءِ سرءَ زور پِر داتگ کہ انوگیں حکومتءَ سرجمیں پاکستان ءَ چہ گیش 8کروڑ غریب ءَ جانءُ سلامتی کارڈ دیئگءِ گامگیج چست کتگ۔ آئی ءَ گشتگ کہ پاکستانءَ حشکوئی ءِ نادرائیءَ ہلاس کنگءِ جزم کتگءُ آئیءَ اے وائرس ءَ را گرءُ دار کنگءَ جوانیں کار کتگ ءُ اے سالءَ تنا 8کیسز ءِ حال اَست ایں۔ صدرءَ اے گپءِ سرءَ زور پِر داتگ کہ مزنیں نادراہی ءُ ذہنی سلامتیءَ را پرائمری ہیلتھ کیئر ءَ ضم کنگءُ ’’ ڈبلیو ایچ او بیسٹ بائیز‘‘ جوڑ کنگءِ جزم ءِ درشانی کتگ۔ آئیءَ گشتگ کہ پاکستان ڈبلیو ایچ او ءِ کمکءَ چہ رکھینگی ٹُکہ ءَ را الم کنگءِ واہشت مند ایں تنکہ کچی آباتی ءُ کوچگاں اے پروگرامءَ را گیش کنگ بہ بیت تنکہ سرجم تکاں المی ءَ مانیٹرنگ کنگ بہ بیت۔ صدرءَ اے گپءِ سرءَ زور پِرداتگ کہ میڈیاءُ مذہبی سکالرز پولیوءِ نادراہی ءَ ہلاس کنگءَ وتی کردءَ پیلو کنگ لوٹ ایت۔