راولپنڈی ۔ 16 دسمبر(اے پی پی) چیف آف آرمی سٹاف جنرل قمر جاوید باجوہ ءَ 15حطرناک ناشرکارانی مرگ ءِ سزا ءِ توسیپ کتگ۔آئی ایس پی آر ءِ نیمگا چہ یک شمبے ءَ جاڑی بیان ءِ ردا اے ناشرکار ناشرکاری ءِ وارداتانی تہ ھوار ات ، ایشانی تہ پاکستان ءِ سلاھ بندیں اُردو،کانود برجاہ داروکیں ادارگ،پشاور ءِ نزیک ءَ کرسچن کالونی ءِ تہ وت کش اُرش،تعلیمی ادارگہاں را تباہ کنگ ءُُ بے ڈوھیں شہریاں را قتل ءُُ کوش کنگ ءِ سنگین ڈوھاں ھوار انت۔ایشانی ناشرکاری ءِ اُرشانی آسرءَ مچ ءِ وڈ ءَ 34مردم بیران بوتگ ات ایشانی تہ سلاھ بندیں اُردو ءِ 21 کارندہ ، ایف سی ءِ 9 ءُُ دوپولیس کارندہانی ھواری ءَ دو سولین ھم ھوار ات۔ایشانی قوضہ چہ تراک ناکیں چیز مزنیں کچ ءَ ءُُ سلاھ ھم مزنیں کساس ءَ دست کپتگ انت۔مرگ ءِ سزا دیوکیں اے ناشرکار بندش جتگیں گل ءَ گوں سیادی دارگ انت۔ایشانی کیسانی ھاسیں فوجی آمیدگس ءِ تہ گوشداری کنگ بوتگ۔آہاں ٹرائل ءِ ساعت ءَ وتی بیان آنی تہ جوڈیشل مجسٹریٹ ءِ دیما ناشرکاری ءِ واکیہ ءِ تہ ھواری من اتگ انت۔اے وڈ ءَ فدا حسین ولد محمد حسین، رضا اللہ ولد اکرام اللہ، رحیم اللہ ولد فتح خان، عمرزادہ ولد بشار، امجد علی ولد محمد آجان، عبدالرحمن ولد عبدالوہاب، غلام رحیم ولد منجرا خان، محمد خان ولد غلام حیدر اور رحیم اللہ ولد نورانی گل، رشید اقبال ولد حمید اقبال، محمد غفار ولد قاری محمد ظریف ءُُ رحمان علی ولد محمد عزیز ھم پاکستان ءِ کانود برجاہ داروکیں ادارگہانی سرا اُرشاں ھوار انت۔ایشانی آسرءَ یک اسسٹنٹ سب انسپکٹر نور زمان، نائب صوبیدار حسین فراز ءِ ھوار چار سپاہی شہید وھدیکہ پنچ دگہ ٹپی بوتگ ات۔اے ڈوھدارانی تہ سوات ءِ سرکاری وانگی ادارگہاں را تباہ کنگ ءَ ھم ھوار ات۔ایشانی قوضہ چہ مزنیں کساس ءَ سلاھ ءُُ تراک ناکیں چیز دست بوتگ ات۔ اے دراھیں ملزمانی ٹرائل ءِ ساعت ءَ وتی بیانانی تہ جوڈیشل مجسٹریٹ ءِ دیما وتی جرم من اتگ ات۔
