اسلام آباد ۔ 16 دسمبر (اے پی پی) صدر مملکت ڈاکٹر عارف علوی ءَ سانحہ اے پی ایس ءِ شہیدانی تبکانی برزی ءُُ ھاندان ءِ ھاترا صبر جمیل ءِ دعا کتگ۔یک شمبے ءَ سانحہ آرمی پبلک سکول پشاور ءِ چارمی سالروچ ءِ درگت ءَ ایوان صدر چہ جاڑی بیان ءِ ردا ملک ءِ صدر ءَ گوشت کہ معصومءِ نوربرءُُ استادانی قربانیءَ راج ءَ بیدار ءُُ تپاک کتگ۔راج اے پی ایس ءِ شہیدان ءُُ ایشانی کہول ءِ قربانی ءَ را ہروھد یات دارایت۔آہاں گوشت کہ راج ناشرکاری ءِ ھلاپءَ سوبمندی ءَ گوں مڑگ ءِ سرا پاک فوج ءِ ھوار دراھیں سیکیورٹی فورسانی قربانیانی معترف انت۔سانحہ اے پی ایس یک قومی المیہ ءِ ھوار تجدید عہد ءِ روچ ھم انت۔ صدرءَ گوشت کہ مروچیگیں روچ ءَ راج اے عہد ءَ کن ایت کہ ملک ءِ تہ ناشرکاری ءِ راھ ءَ را ھمیشہ ءِ ھاترا دارگ ءُُ ہروڈیں قربانی ءِ ھاترا ساجو بیت۔
