پشاور ۔ 16 دسمبر (اے پی پی) آرمی پبلک سکول اینڈ کالج وارسک روڈ پشاور ءِ تہ سانحہ16دسمبر 2014 ءِ شہید ءُُ غازی ءَ را خراج عقیدت پیش کنگ ءِ ھاترا یک شمبے ءَ پُرشانیں مراگش برجم دارگ بوتگ۔پاک فوج ءِ لس سیادیانی تک (آئی ایس پی آر) ءِ نیمگا چہ جاڑی بیان ءِ ردا مراگش ءِ بنداتی شہیدانی ھاترا ھاسیں دعا ءَ گوں بوتگ۔ایشی ءِ پدا راجی ساز وانگ بوتگ۔ پاک فوج ءِ چاق ءُُ چوبند دستہ ءَ اے موہ ءَ سلامی پیش کتگ۔ خیبرپختونخوا ءِ گورنر شاہ فرمان ءَ یادگارِ شہداء سرا پھل چیر داتگ انت ءُُ فاتحہ ونتگ ۔ایشی ءِ پدا آں شہیدانی ھاندان ،مراگش ءِ تہ ھندی مردم ،سکول ءِ نودربرءُُ قران وانگ ءِ ھاترا مردم ھوار بوتگ انت۔قرآن خوانی ءِ مراگش ءِ برجمی آرمی پبلک سکول پشاور ءِ تہ کنگ بوتگ ات ایشی ءِ تہ شہیدانی ھاندان ءُُ ھندی مردماں ءُُ سکول ءِ کارندہ ءُُ زھگاں مزنیں کساس ءَ بہر زوراتگ۔شہیدانی ھاندان ءَ گوں گند ءُُ نند ءِ ساعت ءَ گورنر خیبرپختونخوا شاہ فرمان ءَ گوشت کہ سرجمیں راج ءِ دلیریں ھانداناں گوں پج ءَ اوشتاتگ انت ۔آہاں گوشت کہ سانحہ اے پی ایس ءَ سرجمیں راج ءَ را ناشرکارانی ھلاپ ء تپاک کتگ۔مراگش ءِ تہ کورکمانڈر پشاور لیفٹیننٹ جنرل شاہین مظہر محمودءَ ھم بہر زوراتگ۔
