چین،پاکستان ءُُ افغانستانءِ سہہ فریقی مذاکراتءِ پدا یکجاھیں پریس کانفرنس ءَ گوں تران

کابل۔ 15 دسمبر (اے پی پی) چین،پاکستان ءُُ افغانستان ءَ گوشت کہ مہ یک دومیگ ءِ سرا بہتام جنان ءَ امن ءَ زورگ مہ کت کن ایں،مہ اے رنگیں ھمساھگ انت کہ آہاں را جتا کنگ مہ بیت،اعتماد ساچی ءَ گوں ممکن بیت۔سہہ فریقی مذاکرات ءِ پدا یکجاھیں پریس کانفرنس ءَ چہ تران کنان ءَ اوگان دری کارانی وزیر صلاحالدین ربانی ءَ گوشت کہ اوگانستان ءَ باز جنجال سگ اتگ انت۔افغانستان ءِ تہ لٹ ءُُ کٹ گیش بوھگ انت۔آہاں گوشت کہ اعتماد ساچی ھواری ءَ نندگ ءَ گوں ممکن انت۔شاہ محمود قریشی ءَ گوشت کہ پاکستان اوگانستان ءِ ھمساھگ ملک انت۔پاکستان ءَ ہمیشہ افغانستان ءِ تہ امن ءُُ مصالحتی کوشستانی پلہ مرزی کتگ انت۔یک جستے پسو ءَ شاہ محمود قریشی ءَ گوشت کہ ہمہ مردم کہ عسکری حل ءِ گپ جنئگ انت مروچی مفاہمت ءُُ گپ ءُُ تران ءِ حامی انت ،سیمسر ءِ دوئیں نیمگا چہ بازیں مردم مرتگ انت ،باز تاوان زورگ بوتگ،نوں دیما روگ ءِ وھد انت۔اوگانستان ءِ امن مہ دوئیں ملکانی مفاد ءِ تہ انت، شمے وشی ءَ مئے وشی انت ،بیا ایت عملی وڈ ءَ دیما جزوں۔آہاں گوشت کہ چین دوئیں ملکانی ءُُ میان اوستمانی براتی ءِ گوما مفاہمتی عمل ءِ سوبمندی ءِ ھاترا کردار ادا کنگ انت۔چینی دری کارانی وزیر وانگ ژی ءَ گوشت کہ مئے ذمہ واری ءَ یک دومیگ ءِ سرا مان کت مہ کنگ بیت، پاکستانءُُ چین سدا بہار دوست ءُُ ھاسیں سٹرٹیجک پارٹنر انت۔آہاں گوشت کہ چین دوئیں ملکانی دوست ءِ بستار ءَ دوئیں ملکانی تہ گپ ءُُ تران ءِ وسیلگ ءَ اعتماد ساچی ءِ ھاترا کرد ءَ ادا کنگ انت۔آوکیں سال ءَ افغانستان ءِ آزاتی ءِ سد سال سرجم بنت ،اے ساعت ءَ اوگان مہلوک ءَ را درستاں چہ گہتریں سوگات امن دیگ بہ بیت