کوئٹہ۔ 14دسمبر (اے پی پی) ڈی آئی جی کوئٹہ عبدالرزاق چیمہ پارینے کہ نیورو سرجن ڈاکٹر ابراہیم خلیل نا برمتہ نا مقدمہ ءِ درج کننگانے بازیابی کن اسپیشل ٹیم اس جوڑ کننگاواقعہ نا جاگہ غان شاہدی تے یکجا کننگانے زوت ڈاکٹر ابراہیم خلیل ءِ یلہ کرفنہ۔ داخیال آتا درشانی ءِ او جمعہ نادے صحافی تتون ہیت وگپ کرسا کرے۔ ڈی آئی جی عبدالرزاق چیمہ پارے کہ سرجن ڈاکٹر ابراہیم خلیل نا بازیابی کن ہراٹیم ءِ جوڑ کننگا اونا کماشی ءِ ایس ایس پی انوسٹی گیشن کننگ ءِ، ٹیم اٹی اسپیشل برانچ، سی آئی اے و سی ٹی ڈی نا نمائندہ غاک اوار ءُ۔ برمتہ نا مقدمہ ءِ بجلی روڈ پولیس تھانہ ٹی درج کننگانے۔ اوپارے کہ سرجن ڈاکٹر ابراہیم خلیل برمتہ نا وزیر داخلہ بلوچستان سلیم کھوسہ نوٹس ءِ ہلسا بازیابی نا پارت تسنے یات سلے کہ سرجن ڈاکٹر ابراہیم خلیل ءِ تدوک آ نن شہباز ٹاؤن نا علاقہ غان برمتہ کننگاسس۔
