لندن۔ 14دسمبر (اے پی پی) پاکستان ہائی کمیشن لندن جنوری آن مارچ 2019ء ٹی نیشنل ڈیٹا بیس اینڈ رجسٹریشن اتھارٹی (نادرا) نا بابت ویل آتا چٹفنگ کن درخواست آتے بٹنگانے۔ لندن اٹی پاکستانی ہائی کمیشن آن جاری بیان اٹی پاننگانے کہ کمیونٹی ءِ گچین قونصلر خذمت تننگ ءِ المی جوڑ کننگ کن نادرانا موبائل ٹیم شار و اونا ایب وکیبی علاقہ غاتا باقاعدہ دورہ ءِ کیک تانکہ برطانیہ ٹی رہینگوک آپاکستانی تے نادرا نا بابت مون تروک مشکل آتے چٹفنگ مرے۔ اوپارے کہ موبائل ٹیم جنوری آن مارچ 2019ء ٹی چندی علاقہ غاتیا کاہک دابابت ہائی کمیشن پاکستانی تیان درخواست آتے بٹنگانے دادرخواست آتے لس ڈاکر آن بیدس ای میل نا کمک اٹ ہم گدریفنگ مریک۔ درخواست آتے ٹی غٹ سرجم آتون اوار تعلقدار بندغ نا پن و فون نمبر ہم نوشتہ کننگے تانکہ اوڑتون رابطہ کننگ اٹ آسانی مرے۔ بیان نا رداٹ درخواست آتے 21 دسمبر 2018 ء اسکان جمع کرفنگ مریک۔
