اسلام آباد۔ 14 دسمبر (اے پی پی) پاکستان تحریک انصاف نا باسک قومی اسمبلی امجد خان نیازی پارینے کہ حکومت است ءِ بھلن کرسا پبلک اکاؤنٹس کمیٹی نا سرکڑدہ ہی ءِ اپوزیشن ءِ تس، حکومت و اپوزیشن ہڑتوم آ مسخت کانود سازی و الس نا ویل آتا ایسری کن کڑد ادا کننگ ناءِ۔ جمعہ نادے پارلیمنٹ ہاؤس نا پیشن میڈیا تون ہیت وگپ کرسا امجد خان نیازی پارے کہ کانودسازی نا بابت ڈیڈلاک ءِ چٹفنگ کن حکومت پبلک اکاؤنٹس کمیٹی نا سرکڑدہ ہی ءِ اپوزیشن ءِ تننگ نا فیصلہ کرے ہراستاکڑزک۔ اوپارے کہ وزیر خارجہ قومی اسمبلی ٹی بیان تس کہ نن پین گڑاس خواہسونہ ولے اونا باوجود حکومت شہباز شریف ءِ پبلک اکاؤنٹس کمیٹی نا سروک جوڑ کننگ نا فیصلہ کرے۔ اوپارے کہ حکومت مرے یا اپوزیشن ہڑتوم آ ایوان تے ٹی کانود سازی نا عمل اٹی اسہ ایلو تون سلرہ و ہنداوڑ الس نا ویل آتا ایسری کن ہم ہڑتوم آتا کڑد اسیجاءِ۔
