اسلام آباد۔ 14دسمبر (اے پی پی) وزیر مملکت داخلہ شہریارآفریدی پارینے کہ اسلام آباد پولیس ءِ ماڈل ءُ پولیس اس جوڑ کینہ، پاکستان نا فیصلہ غاک پاکستان اٹی مریرہ، پوسکن آ پاکستان اٹی کانود غٹ اکن بریبر ءِ، اسہ ہم بھلو بندغ اس کانودآن ایڑتر اف، ہرابندغ آک پاریرہ کہ نن فائل آتے ٹیر خلینہ، اوفتا نفی نا پن پوسکن آ پاکستان و اسلام آباد پولیس ءِ، ہرکانود شکن اٹ دُوشاغنگک۔ داخیال آتا درشانی ءِ وزیر مملکت جمعہ نادے پولیس لین ہیڈ کوارٹر اٹی ڈی ایس پیز، انسپکٹر ، سب انسپکٹر آتون اوار 183آفیسر و ورناتاترقی نا رداٹ اڈ ہلوک آ دود آن تران کرسا کرے۔ شہریار آفریدی پارے کہ کنا اخس کہ آئی جی پولیس تون اوڑدہی مسنے اوفتے ٹی غٹ آن المی ہیت دائس کہ اسلام آبادپولیس ءِ ذہنی سکون تننگے تانکہ پولیس آفیسر آتے معلوم مرے کہ اوفتے اللہ و اللہ نا محبوب آن پد کس اس ہریفوک ءُ ارے۔ اوپارے کہ اوفتا انت کہ ویل اس ارے ہراآزمائش آن گدرینگرہ ، شہید آتا خاہوت داکان بیدس آفیسر آک ہرادے و نن خواری کیرہ، او سپاہی ہرا ننا حفاظت کن ڈیوٹی ایتک و نن اٹ ٹارچ خلسا گاڈی تے چیک کیرہ، ہراوخت اسکان ملازم آتا ہنکین تا کرایہ و ایلو ویل آتا مداواءِ کننگپ ہمووخت اسکان کنا پولیس سہی وڑاٹ خذمت سرانجام تننگ کپک۔
