اسلام آباد۔ 14دسمبر (اے پی پی) بنجائی وزیر اطلاعات ونشریات چوہدری فواد حسین پارینے کہ شہباز شریف ءِ بایدے مرے کہ او پبلک اکاؤنٹس کمیٹی نا چیئرمین نا عہدہ ءِ قبول کپ تو جوان مریک۔ اسمبلی ءِ چلیفنگ کن اپوزیشن نا خواست ءِ امنا کرین، حکومت ملکی شونداری و معاشی مزل نا دوئی کن غٹ کوشست آتے کاریم اٹ اتنگ ءِ۔ جمعہ نادے پارلیمنٹ ہاؤس نا پیشن میڈیا تون ہیت وگپ کرسا بنجائی وزیر اطلاعات پارے کہ چیئرمین پبلک اکاؤنٹس کمیٹی آ امنا مسنے، اخلاقی وڑاٹ بایدے دُن مف کہ بھلا ایلم نا آڈٹ ءِ چنکا ایلم کیک۔ اوپارے کہ شہباز شریف ءِ بایدے مرے کہ او پبلک اکاؤنٹس کمیٹی نا عہدہ ءِ امنا کپ توجوان مریک۔ شہباز شریف اخلاقی وڑاٹ دا عہدہ ءِ ہلسا پین اسٹ ءِ بایدے ایتے، حکومت اسمبلی ءِ چلیفنگ کن اپوزیشن نا خواست ءِ امنا کرے۔ اپوزیشن نا کنڈآن بلیک میلنگ مسنے، اینو پارلیمنٹ آ حرف بس۔ چوہدری فواد حسین پارے کہ پاکستان تحریک انصاف مڈل کلاس نا جماعت اسے۔ حکومت ضلعی کہول آ اسکول آتا گچینی کن گام گیج کننگ ءِ۔ پرائیویٹ اسکول آک لُٹ و پُل نا بناءِ کرینو۔ زیات فیس ہلنگ آ چیف جسٹس فیس کم کننگ نا حکم تسنے۔
