اسلام آباد۔ 14دسمبر (اے پی پی) وزیر اطلاعات و نشریات چوہدری فواد حسین پارینے کہ پاکستان ٹیلی ویژن و ریڈیو پاکستان ءِ اسہ انتظامی کنٹرول اسے ٹی اتنگ کن گام گیج چست کننگ انگ ءِ، ہڑتوم آ ادارہ غاتا بورڈ ءِ اسٹ کرینن، داسال پاکستانی ٹیلی ویژن ءِ کٹیا کروک ءُ ادارہ اس جوڑ کینہ وخت اس کہ ریڈیو پاکستان ءِ اِراسال اٹی اودے اونا نت تیا سلفنہ۔ جمعہ نا دے قومی اسمبلی ٹی وقفہ سوج آتے ٹی شاہدہ رحمانی نا سوج انا ورندی ٹی وزیر مملکت علی محمد خان پارے کہ پی بی سی نا میرات آتا رداٹ فیصلہ پی بی سی بورڈ آف ڈائریکٹر کیک ہرا مجاز فورم اسے۔ علی محمد خان پارے کہ پی بی سی نا ماڑی ءِ پٹہ غا تفننگ انگ ءِ۔ ریڈیو پاکستان ءِ دُوارہ اودے اونا نت تیا سلفنگ و اودے کٹیا کروک ءُ ادارہ اس جوڑ کننگ کن حکومت گام گیج کیک۔ اسٹ اسے ہم بے روزگار کپنہ ولے گدرینگوک آ دورتے ٹی داڑے تینامن پسند بندغ آتے بھرتی کننگا۔ وزیر اطلاعات و نشریات چوہدری فواد حسین پارے کہ ریڈیو پاکستان میوزیم اٹی ہنسا معلوم مریک کہ 1960ء ٹی ریڈیو نا ٹرانسمیٹر تون اوار ایلو ازباب آتے نن تینٹ جوڑ کرینہ ولے داسہ ہرگڑاءِ درآمد کننگ انگ ءِ۔ ریڈیو ءِ پوسکن آ وڑوڈول آتیا اتنگ آن بیدس ہچ ءُ کسر اس اف۔ ہر سال پنچ ارب 65کروڑ حکومت ایتک۔ ریڈیو نا کٹیا 20 کروڑ روپئی ءِ۔ نن اسہ گچین ءُ پلان اس جوڑ کننگ اُن۔ ریڈیو پاکستان و پی ٹی وی نا بورڈ ءِ اسٹ کرینن۔ مون نا مرحلہ ٹی اودے اسہ انتظامی چھتری اسے نا کیرغ آن اتینہ۔ داسال پی ٹی وی ءِ کٹیا ٹی اتینہ و بروک آ اِراسال اٹی ریڈیو ءِ ہم داحالیت آتیان کشنہ۔
