پشاور۔ 14دسمبر (اے پی پی) وزیراعظم عمران خان جمعہ نادے داڑے نیزگار و نادار بندغ آتے کن ہنکین تا بناءِ کرے۔ وزیرعظم ہنکین تا جتا بشخ آتا معائنہ ءِ ہم کرے۔ داوخت آ وزیراعظم ءِ نیزگار آتے کن جوڑ کروک آ ہنکین اٹی تروک آ آسراتی تا بارواٹ احوال ہم تننگا۔ گورنر خیبر پختونخوا شاہ فرمان و وزیراعلیٰ محمود خان و بڑزکو کمامدارآک ہم اوڑتون اوار ئسر۔ اسہ دے ئی دورہ ٹی وزیراعظم نا گورنر و وزیراعلیٰ خیبر پختونخواتون اوڑدہی مریک وخت اس کہ وزیراعظم صوبائی کابینہ نا دیوان نا کماشی ءِ ہم کیک۔ وزیراعظم عمران خان خیبر پختونخواٹی پی ٹی آئی حکومت نا ارٹ میکو وار اقتدار اٹی بننگ آن پد اولیکو 100 دے انا کارکڑد نا بابت اڈ ہلوک آ اسہ مچی اسے ٹی شرکت و تران ہم کیک۔
