اسلام آباد۔13دسمبر(اے پی پی) مزن وزیر عمران خان ءَ گوں شوکت بسراءَ مزن وزیر کارگسءَ گندءُ نند کتگ ءُ پاکستان تحریک انصاف ءَ ہوار بوتگ۔ پنچ شمبے ءِ روچءَ مزن وزیر کارگس ءِ نیمگءَ چہ جاری بیان ءِ ردءَ مزن وزیر ءَ شوکت بسراءِ پارٹیءَ ہوار بوہگءَ وشیءِ درشانی کتگءُ ملکی سیاستءَ آئیءِ کردءَ را ساڑاتگ۔ مزن وزیر ءَ اُمیت ءِ درشانی کتگ کہ آ پاکستان تحریک انصاف ءَ ہوار بوہگءَ وتی سیاسی ازمتءَ گیش جوانی ءَ دات کنت۔ مزن وزیر عمران خان ءَ گوں گپءُ تران کنان ءَ شوکت بسرا ءَ گشتگ کہ آئی ءَ پاکستان تحریک انصاف ءَ را پارٹی ٹکٹءِ ھاترءَ گچین نہ کتگ بلکیں مزن وزیر عمران خان ءُ پاکستان تحریک انصافءِ وژن ءِ دوستیءَ گچین کتگ۔
