پہ پاکستان ءِ اُلسءِ پائدگ، ملکی دیمروئی ءُ محکمی ءَ سرجمیں ادارگاں گوں ہمراہ داری کن اَں
راولپنڈی۔13دسمبر(اے پی پی) پاک فوجءِ سروک جنرل قمر جاوید باجوہ ءَ گشتگ کہ پہ پاکستان ءِ اُلسءِ پائدگ، ملکی دیمروئی ءُ محکمی ءَ سرجمیں ادارگاں گوں ہمراہ داری کن اَں۔ آ پنچ شمبے ءِ روچءَ کورکمانڈر کانفرنس ءَ گوں تران کنگءَ بوتگ۔ پاک فوج ءِ تعلقداری پڑ(آئی ایس پی آر) ءِ گشگءِ ردءَ پنچ شمبے ءِ روچءَ پاک فوج ءِ سروک جنرل قمر جاوید باجوہ ءِ سروکی ءَ 216می کورکمانڈر کانفرنس جی ایچ کیو رالپنڈی ءَ بوتگ۔ کانفرنس ءَ جیو سٹریٹجیک جاورھال دمگی سلامتی ءُ لائن آف کنٹرول ءُ رودراَتکی ءُ روبرکتی سیمسر ی جاورحال ءِ تپاسی کتگ۔ کانفرنس ءَ پہ تہی کارانی سلامتیءَ جاری آپریشنز آنی سرءَ حیالءُ لیکہءِ درشانی کنگ بوتگ۔ دیوانءَ ناشرکاری ءِ ہلاس کنگءَ بازیں تکءُ پھنتانی سرءَ چارءُ بچار کنگ بوتگ وہدے کہ اوگانستان ءِ امنءُ ایمنی عملءَ درائیں سٹیک ہورلڈرءِ ہوار بوہگءِ سرءَ اُمیت ءِ درشانی کنگ بوتگ۔ جنرل قمر جاوید باجو ہ ءَ گشتگ کہ ناشرکاری ءَ را روہتگاں چہ ہلاس کنگءَ دمگی کمک المی ایں۔ اوگانستانءَ پہ امنءُ ایمنی ءَ درائیں فریقین آنی ہمراہ داری زورگ بیت۔ آرمی چیفءَ کورکمانڈرز کانفرنس ءَ گوں تران ءَ اے جزم ءِ درشانی کتگ کہ پہ راج ءُ اُلسءِ پائدگ، ملکی دیمروئی ءُ محکمی ءَ سرجمیں ادارگاں گوں ہمراہ داری کن اَں۔
