اسلام آباد۔ 13 دسمبر (اے پی پی)سپیکر قومی اسمبلی اسد قیصر ءَ گوشت کہ کراچی ءَ را روشنائی آنی شہر ءُُ ملکی سرمایہ کاری ءِ بُنجاھ زانگ بیت، اے شہر ءِ روژنائی آناں برجا کنگ استیں حکومت ءِ اولی کار اِنت۔ آئی ءَ اے ھیالانی درشانی ایم کیو ایم پاکستان ءِ باسک قومی اسمبلی ءِ ڈل آں گوں تران کنان ءَ کت آواں پنچ شمبے ءِ روچ ءَ پارلیمنٹ گس ءَ سپیکر ءَ گوں گند ءُُ نند کت گند ءُُ نند کنوک آنی تہ ءَ قومی اسمبلی ءِ باسک اقبال محمد علی، عثمان قادری ءُُ صلاح الدین ھوار اَنت۔ گند ءُُ نند ءِ تہ ءَ کراچی شہر ءِ جیڈھ آنی سرءَ سرجمیں ھیال ریچی کنگ بوت۔ سپیکر ءَ گوشت کہ کاروباری تبک ءِ مردم آناں جوانیں جاور پُجارینگ دُرستانی ھواریں زمہ واری اِنت ءُُ بُنجاھی حکومت ءُُ سندھ ءِ صوبائی حکومت کراچی ءَ ھوار حیدر آباد ءِ جیڈھ آناں گیوار کنگ ءَ وتی کرد ءَ پیلو بکن اَنت۔ آئی ءَ گوشت کہ کراچی ءَ ورگی ساپیں آپ ءِ پُجاری ءُُ انفراسٹکچر ءَ را گہتر جوڑ کنگ ءِ واستہ زوتیں رنگ ءَ کار کنگ بوھگ ءَ انت۔
