اسلام آباد۔ 13 دسمبر (اے پی پی) وزیر مملکت برائے موسمی مٹ ءُ بدلی زرتاج گل ءَ گوشت کہ 10بلین ٹری سونامی منصوبگ ءِ پد ءَ سرجمیں ملکت ءَ کار کنگ بوھگ ءَ اِنت، بنی گالہ ءَ 725 ایکڑ ا زمین زورگ بوتگ، ایشی ءِ سر ءَ ’’زو بوٹینیکل گارڈن‘‘ جوڑ کناں ، وزارت ءَ جوانیں گامگیج ءِ درشان کنان ءَ سئے ماھ ءَ سئے کروڑ کلدار ءِ بچت کتگ، 16ہسپتال آنی تہ ءَ سالڈویسٹ مینجمنٹ سسٹم جوڑ کنگ بوتگ، سموگ ءَ را گر ءُُ دار کنگ ءِ واستہ پنجاپ حکومت ءُُ بھٹی ءِ مالک آنی شگر ءُُ منت وار آں، سڑک آناں سر سبز کنگ ءِ ھاترا، ’’وتی سڑک‘‘ منصوبگ ءِ پجار ءَ کنائینگ ءَ آں، آپ ءِ پھریزگ ءِ ھاترا ’’واٹر اتھارٹی‘‘ جوڑ کناں۔ اے ھیالانی درشانی آئی ءَ پنچ شمبے ءِ روچ ءَ انفارمیشن سروسز اکیڈمی ءَ پریس کانفرنس ءَ گوں گشتانک دیان ءَ کت۔ زرتاج گل ءَ گوشت کہ مزن وزیر ءَ پاکستان ءَ را سرسبز کنگ ءِ واب دیستگ ایشی ءِ پیلو کنگ وزارت ءِ موسمی مٹ ءُُ بدلی کوشست کنگ ءَ اِنت ءُُ سرجمیں ملک ءَ 10ارب ءَ چہ گیش درچک کشان۔ آئی ءَ گوشت کہ اے مول ءُُ مراد ءِ ھاترا توامیں صوبگ آنی گوما ھواری ءَ کار کنگ ءَ آں۔ آئیءَ گوشت کہ پیسریگیں سروک آں بے سر ءُُ پادیں ھرچ ءُُ درچ کنان ءَ ملک ءِ سر ءَ 3ہزار ارب کلدار ءِ وام لڈ اِتگ۔ آئی ءَ گوشت کہ ایٹماسپیئر ءِ رکھینگ ءِ ایجنسی (ای پی اے) ءِ کمک ءَ چہ 16 ہسپتال آنی تہ ءَ سالڈویسٹ مینجمنٹ سسٹم جوڑ کنگ بوتگ چیا کہ دُرستاں چہ بیم ناک تریں چیز ہسپتال آں چہ دور دیگ بیت۔
