اسلام آباد۔ 13 دسمبر (اے پی پی) بُنجاھی وزیر اھوالکاری ءُُ شنگ کاری چوہدری فواد حسین ءَ گوشت کہ پبلک اکاونٹس کمیٹی ءِ جوڑیشت ءِ ھوالگ ءَ مسلم لیگ (ن) ءِ لوجک اجب این ات، مزنیں برات ءِ دور ءُُ باریگ ءِ حکومت ءِ منصوبگ آنی آڈٹ ءَ کستریں برات چون کت کنت، نوں آ گوشگ ءَ اَنت کہ قومی اسمبلی ءِ کاروائی ءَ چلگ ءَ نئیل آں ھمے کمیٹی آنی جوڑیشت ءَ پینگ سہرا بوھگ ءَ انت۔ آ پنچ شمبے ءِ روچ ءَ پارلیمنٹ گس ءِ ڈن ءَ میڈیا ءَ گوں تران کنان ات۔ بُنجاھی وزیر چوہدری فواد حسین ءَ گوشت کہ ھمروچ واک آوٹ کنگ بوھگ ءَ انت، آئیءَ گوشت کہ کاروائی ءَ چلگ ءَ نیلگ ءَ اَنت، سپیکر صاحب ءَ را لوٹ ایت کہ آ آواناں بئے مکنت کمیٹی آں جوڑ بکنت۔ آئی ءَ گوشت کہ قومی اسمبلی ءَ کانود چون جوڑ بیت، وھد ءِ آوانی واک آؤٹ ھلاس نہ بیت۔ آئی ءَ گوشت کہ اسمبلی، قومی اسمبلی ءِ مٹ ءَ نیب ءِ بورڈ آف گورنرز سما بوھگ ءَ انت، اُلسی جیڈھ آنی مٹ ءَ وتی کرپشن ءِ سبب ءَ دزگیر بوھگ ءِ پد ءَ اسمبلی ءَ کوکار ءُُ جاک کنگ بوھگ ءَ انت۔ آئی ءَ گوشت کہ ھر کس کہ گرگ بیت آ آمید گس ءَ رونت ءُُ وتی کیس آنی ڈیپنس ءَ کن اَنت۔ بُنجاھی وزیر فواد حسین چوہدری ءَ گوشت کہ اپوزیشن ءِ لوٹ گیر اخلاقی اِنت، باسک آناں گوشگ لوٹاں کہ شما نیب ءِ بورڈ آف گورنرز نہ اِت۔ آئی ءَ گوشت کہ ھر کس کہ گرگ بیت ، آ چر ءُُ بیرا ایشی ءِ سر ءَ تران کنت، السی جیڈھ آنی سرءَ تران کنگ نہ بوھگ ءَ انت۔
