بنجائی وزیر انفارمیشن ٹیکنالوجی ڈاکٹر خالد قیوم نا ایشیائی ٹیلی کام ریگولیٹرز کونسل نا نوزدہ می دیوان آن تران، میڈیا تون ہیت وگپ

اسلام آباد۔ 13دسمبر (اے پی پی) بنجائی وزیر انفارمیشن ٹیکنالوجی ڈاکٹر خالد قیوم پارے کہ ٹیلی کام و انفارمیشن ٹیکنالوجی ءِ مون آ دننگ کن پوسکن ءُ پالیسی اس جاری کننگک۔ طالب علم آتے آئی ٹی ٹیلی کام اٹی مہارت کن مچ آ ملک اٹی اسکول، کالج و یونیورسٹی تے ٹی کمپیوٹر ، آئی ٹی لیبارٹری جوڑ کننگک۔ داخیال آتا درشانی ءِ او 3دے ئی فیسٹیول ایشیائی ٹیلی کام ریگولیٹر کونسل نا نوزدہ می دیوان آن تران و میڈیا تون ہیت وگپ کرسا کرے۔ اوپارے کہ وزارت ایم او آئی ٹی آئی سی ٹی و ایلو کٹیا کروک اقتصادی بشخ آتے ٹی کمکاری، پوسکن آ پٹ وپول نا رداٹ ذریعہ معاشی انقلاب نا دوئی کن پدریسہ پوسکن آ ڈٹ آتیا کاریم کننگ ءِ۔ دابابت ٹیلی کام پالیسی و ساڑی ہی ٹی نافذ کروک آ ڈیجیٹل پاکستان پالیسی ءِ مون آ تخسا نن اسہ ہندن ءُ تزویراتی معیشت اسے نا کنڈاراہی روان اُن ہرا ترندی اٹ شون ہلسا پوسکن آ زند انا وڑ و علم آ مبنی معیشت ءِ مون آ دننگ ءِ۔ بنجائی وزیر پارے کہ ساڑی حکومت آئی ٹی زون و سافٹ ویئر ٹیکنالوجی پارک انا غٹ بھلا شار تے ٹی تعمیر و پٹ و پول و تخلیف اٹی زرکاری کن ہم گام گیج کننگ ءِ و دا بابت ڈٹ سازی نا چندی مرحلہ غاتے پک کننگ انگ ءِ۔ اوعلاقائی ہم آہنگی و علم انا تبادلہ نا دا پلیٹ فارم نا اڈتننگ آ پی ٹی اے و اے پی ٹی نا کوشست آتا ستاءِ کرے و حکومت نا کنڈان دُن انگا کوشست آتا پدریسہ مخ تفی و ہروڑ کمکاری نا یخین دیانی کرفے۔ میڈیا تون ہیت وگپ کرسا اوپارے کہ انفارمیشن ٹیکنالوجی و ٹیلی کام ءِ مون آ دننگ کن پوسکن ءُ پالیسی جاری کننگک۔ مچ آ ملک اٹی طالب علم آتے آئی ٹی و ٹیلی کام اٹی مہارت آتے کن اسکول کالج و یونیورسٹی تے ٹی کمپیوٹر لیبارٹری جوڑ کننگک۔