اسلام آباد۔ 13دسمبر (اے پی پی) بنجائی وزیر انسانی حق ڈاکٹر شیریں مزاری پارینے کہ انسداد بیدادی نا بل ءِ جنوری 2019ء نا آخیر اٹی دُوارہ قومی اسمبلی ٹی پیش کننگک۔ پنچ شنبے نادے داڑے اے پی پی تون ہیت وگپ کرسا اوپارے کہ انسداد بیدادی نا بل ءِ قومی اسمبلی ٹی دُوارہ پیش کینہ داکان مست 2014ء ٹی دا بل ءِ سینیٹر فرحت اللہ بابر سینیٹ اٹی پیش کرے و سینیٹ دابل ءِ منظور ہم کرے ولے قومی اسمبلی ٹی ہرے نا سوب ہمووخت دابل انا مد چٹاسس۔ اوپارے کہ وزارت انسانی حق اِرابل آتا تقابلی جاچ ءِ ہلکونے ہراداوخت وزارت داخلہ غا گدریفنگانے و اومیت ءِ کہ کانود سازی کن زوت کابینہ ءِ گدریفنگک۔ ڈاکٹر شیریں مزاری مستی پارے کہ دا بل ءِ پیش کننگ اٹ داسہ پین ہرے مفک انتئے کہ پاکستان انسداد بیدادی نا جہانی کنونشن آ دستخط کرینے۔
