پنجاب اسمبلی نا خورک نشست پی پی 168 آ ضمنی گچین کاری کن پولنگ بناکرے
لاہور۔ 13دسمبر (اے پی پی) پنجاب اسمبلی نا خورک نشست پی پی 168 آ ضمنی گچین کاری کن پولنگ بناکرے۔ ہرا بیگہ نا 5بجہ اسکان برجاسلک۔ دا نشست مسلم لیگ (ن) نا راہشون خواجہ سعد رفیق قومی اسمبلی نا باسک گچین مننگ آ خورک کریسس۔ پنجاب اسمبلی نا خورک نشست پی پی 168لاہور کن کل 11اومیت دار پڑاٹی ءُ ولے اصل مقابلہ پی ٹی آئی نا ملک اسد علی کھوکھر و مسلم لیگ (ن) نا اومیت دار رانا خالد محمود قادری نا نیام اٹ گمانی ءِ وخت اس کہ پیپلزپارٹی دا نشست آ مسلم لیگ (ن) نا مخ تفی نا پڑو ءِ کرینے۔ الیکشن کمیشن پنجاب نا رداٹ حلقہ ٹی کل ووٹرآتا کچ اسہ لکھ 26ہزار 912ءِ، ووٹرآتا آسانی کن 83پولنگ اسٹیشن جوڑ کننگانے وخت اس کہ ایلو کنڈ الیکشن کمیشن پرامن گچین کاری کن رینجرز ءِ بٹنگانے ، پاک فوج ہم اسٹینڈ بائی ءِ۔
