اسلام آباد۔ 13دسمبر (اے پی پی) نیشنل یونیورسٹی آف سائنس اینڈ ٹیکنالوجی (نسٹ) اٹی اولیکو چین۔پاکستان ٹیکنالوجی ٹرانسفر سینٹر ءِ جوڑ کننگک، ڈٹ انا بناجنوری 2019اٹی مریک۔ دا سینٹر نسٹ انا نیشنل سائنس اینڈ ٹیکنالوجی پارک (این ایس ٹی پی) ٹی جوڑ کننگک۔ دا بابت آن تدوک آدے بیجنگ اٹی مفاہمت نا اسہ یات داشت اسے آ دستخط کننگا۔ چینی ٹیکنالوجی ٹرانسفر سینٹر(سی آئی ٹی ٹی سی) نا کمک اٹ نسٹ اٹی چین پاکستان ٹیکنالوجی ٹرانسفر سینٹر(سی پی ٹی ٹی سی) ءِ قائم کننگ نا تیاری تے پورو کرینے، سی آئی ٹی ٹی سی چینی وزارت سائنس و ٹیکنالوجی و بیجنگ میونسپل سائنس و ٹیکنالوجی کمیشن نا اسہ اسیجا ءُ ڈٹ اسے۔ ہرا مچ آ دنیا ٹی چین و ایلو ملک آتا نیام اٹ اسہ پیشہ ور جہانی ٹیکنالوجی ٹرانسفر پلیٹ فارم اس فراوان کیک۔ سی پی ٹی ٹی سی چین وپاکستان نا نیام اٹ ٹیکنالوجی نا گدریفنگ کن کمکار ناوڑاٹ کاریم کیک ہرا ہڑتوم آ ملک آتا کمپنی تے اسہ ایلو نا مارکیٹ آتے ٹی کاریم کننگ اٹ کمک ایتک۔ دامرکز ہڑتوم آ ملک آتا صنعت وپوسکن آ ویل آتا نیام اٹ پول و گیٹ وے انا وڑاٹ کاریم کیک۔ داوخت آ ریکٹر نسٹ لیفٹیننٹ جنرل نوید زمان پارے کہ پاکستانی یونیورسٹی ٹی اِراسنگت ملک آتا نیام اٹ ٹیکنالوجی نا ہڑتوم آ کنڈآتا گدریفنگ ءِ مون آ دننگ کن جوڑ مروک آ اولیکو جہانی مرکز، سی پی ٹی ٹی سی، نا جوڑ کننگ نسٹ و سی آئی ٹی ٹی سی کن اسہ اہم ءُ سرسہبی اسے۔ ریکٹر نسٹ پاکستانی حکومت نا کنڈان سائنس، ٹیکنالوجی و انوویشن(ایس ٹی آئی) ءِ مون آ دننگ کن کروک آ چندی گام گیج آتے ہم مون آ تخا ہراٹی ایلو گڑاتیان بیدس، ایس ٹی آئی پالیسی و حکمت عملی نا رداٹ ، علمی معیشت و نجی بشخ انا کمک اٹ شونداری ءِ قومی کہول آ است بڈی کننگ آ زور شاغنگانے۔ دود اٹی پاکستانی سفارت خانہ ٹی ایس اینڈ ٹی کونسلر ، ڈاکٹر عطاء الرحمان، مسٹر مامنز ینگ، ڈائریکٹر چین۔ سویلی ٹیکنالوجی ٹرانسفر سینٹر و ڈاکٹر نصر اکرام ، پروریکٹر ریسرچ اینڈ انوویشن نسٹ اتون اوار اوار چینی وزارت سائنس، سی آئی ٹی ٹی سی، چین اے سی ای اے این انوویشن سینٹر و انووے انکیوبیٹر بیجنگ نا ایلو کمامدارآک ہم ساڑی ئسر۔
