لاہور۔ 13دسمبر (اے پی پی) ایکسپو سینٹر اٹی پاکستان فرنیچر کونسل نا کنڈآن 3دے ئی میگا’’‘انٹیریئرز پاکستان‘‘ جہانی نمائش نا بناجمعہ نادے آ مننگ ءِ۔ پنچ شنبے نادے ذرائع ابلاغ تون ہیت وگپ کرسا پی ایف سی نا چیف ایگزیکٹو میاں کاشف اشفاق پارے کہ پی ایف سی نا کنڈآن لاہور، کراچی و اسلام آباد اٹی گدرینگوک آ سال تے ٹی 9 میگا’’انٹیریئرز پاکستان‘‘ نمائش اڈ ہلکونے ہرافتے ٹی الس نا بھلو کچ اس نئے بیرہ بشخ ہلکر بلکن بھلو کچ اسے ٹی خرایداری ہم کریر۔ اوپارے کہ دا میگا ایونٹ پاکستان اٹی بھلا فرنیچر کمپنی و انٹیریئرڈیزائنرز کن تینا مصنوعات آتا نمائش نا جوان ءُ موقع اسے۔ اومیت ءِ کہ صف اول نا 100 آن زیات ہندی فرنیچر کمپنی و انٹیریئرڈایزئنرز دانمائش اٹی تینا مصنوعات آتے پیش کیرہ و 2 آن دونیم لکھ بندغ دا نمائش ءِ ہُننگ کن بریرہ وخت اس کہ چندی گڑاتا ہلنگ آ 30 درسد اسکان خصوصی ڈسکاؤنٹ ہم تننگک۔ اوپارے کہ دامیگا ایونٹ ورناڈیزائنرو آرکیٹیکٹس ءِ پوسکن آ مارکیٹنگ رجحان آتا مشاہدہ کننگ و مستند پروفیشنلز اتون تینا کاریم نا نمائش نا موقع ہم فراوان کیک۔
