کوئٹہ۔ 13دسمبر (اے پی پی) میڈیکل سپرنٹنڈنٹ بولان میڈیکل ہسپتال کوئٹہ ڈاکٹر فہیم خان پارینے کہ بولان میڈیکل کمپلیکس ہسپتال کوئٹہ نا الس ءِ طبی آسراتی تننگ اٹ اختہ ءِ ، کوئٹہ تون اوار بلوچستان اٹی، سندھ ، اوغانستان آن ہم مریض آک بولان میڈیکل کمپلیکس ہسپتال آن طبی آسراتی تیان فائدہ ہرفنگ ءُ، نومبر نا تُو اٹی 47,252ناجوڑآک اوپی ڈی ٹی تینا طبی معائنہ ءِ کرفیر و درمان کن دوائی ہلکروخت اس کہ ہنداوخت اٹی 166مائنز و 823میجر آپریشن کننگا ہرافتے ٹی 124آرتھو نا ، جنرل سرجیکل نا 114آپریشن اوار ءُ وخت اس کہ 260 گائینی نا آپریشن تے کننگا۔ داخیال آتا درشانی ءِ او پنچ شنبے نادے آ’’اے پی پی‘‘ تون ہیت وگپ کرسا سرجم احوال آتے بولان میڈیکل ہسپتال نا بارواٹ پارے۔ ایم ایس بولان میڈیکل ہسپتال مستی پارے کہ پلاسٹک سرجری نا 42آپریشن وخت اس کہ بامس ،خف، گٹ انا 108 مریض آتا آپریشن مس، نومبر نا تُو اٹی 1,865جتا مرض آتے ٹی اختہ مریض آتے داخل کرسا دارو و درمان کننگا۔ 221 مریض آتا ایم آر آئی ٹیسٹ کننگا وخت اس کہ 187مریض آتا سی ٹی اسکین کننگا، اینڈ واسکوپی نا 8 و آڈیو گرام نا 191 ٹیسٹ کننگا۔ اوپارے کہ بولان میڈیکل کمپلیکس ہسپتال اٹی جتاڈول نا 2,693ایکسرہ کننگا ٹی بی نا 50 مریض آتے رجسٹرکرسا اوفتا درمان نا بناءِ کننگا است انا شعبہ ٹی 523مریض آتا ایکو ٹیسٹ وخت اس کہ 691 مریض آتا ای سی جی ءِ کننگا ہندا وخت اٹی 131 مریض آتا انجیو گرافی ءِ ہم کننگا ، شعبہ زچہ و بچہ لیبر روم اٹی نومبر نا تُواٹی 1,647 ڈلیوری تے کرفنگا و 2,519 الٹراساؤنڈ کننگا، اوپارے کہ بولان میڈیکل کمپلیکس ہسپتال اٹی نومبر نا تُو اٹی 10,597 چندی وڑنا لیبارٹری ٹیسٹ کننگا، ایڈ ز انا 11مریض آتے نومبر نا تُواٹی رجسٹرڈ کرسا درمان نا بناءِ کننگا، زردوئی نا 540 ٹیسٹ کننگا ہرافتے ٹی 107بی و 56سی انا مریض ری ایکٹو ئسر، نومبر نا تُو اٹی زردوئی بی انا 80 مریض آتے رجسٹرڈ کرسا اوفتا درمان نا بناءِ کننگا، تھیلیسمیا سینٹر اٹی 328 مریض آتے داخل کرسا تازہ ءُ دتر اوفتے خلنگا، شعبہ حادثات اٹی 4,329 مریض آتے نومبر نا تُو اٹی درمان کننگا ہرافتے ٹی 91 بیداد مروک مریض آتے اتنگا وخت اس کہ روڈ ٹریفک ایکسیڈنٹ اٹی 117 ٹھپی تے طبی امداد تننگا۔ ہنداوخت آ شعبہ حادثات اٹی 1,913ایکسرہ کننگا، ایم ایس بی ایم سی مستی پارے کہ نومبر نا تُو اٹی گن شاٹ نا 8 مریض و 18 ڈیڈباڈی تے شعبہ حادثہ غا اتنگا وخت اس کہ نومبر نا تُو اٹی 12خاخر اٹ ہشوک انگا مریض آتے داخل کرسا اوفتا درمان نا بناءِ کننگا، ہندا وڑ ہسپتال اٹی نومبر نا تُواٹی 17 مریض زیار کنوک ءُ اتنگا شعبہ فیملی پلاننگ اٹی 124کلائنٹ رجوع کرسا مانع حمل دوائی ہلکر وخت اس کہ 27 زالبول نا Tubligationءِ کننگا، EPIسینٹر اٹی 2,612چناتے چندی ناجوڑی تیان بچفنگ کن رکھی ٹیکہ ہم خلنگا ہرافتے ٹی 243بی سی جی نا ٹیکہ اوار ءُ داکان بیدس 169 زالبول نا تشنج آن بچفنگ نا ٹیکہ ہم خلنگا۔
