اسلام آباد ۔ 12 دسمبر (اے پی پی) مزن وزیر عمران خان ءَ ملک ءِ تہ گیس ءِ ڈیمانڈ ءُُ سپلائی ءُُ کنزیومر ءَ را گیس ءِ پھجارگ ءِ ھوالہ ءَ چہ منصوبگ بندی ءَ را گیش مھکم کنگ ءِ کڈنی کتگ وھدیکہ ایس این جی پی ایل ءُُ ایس ایس جی سی ءِ نیمگا چہ گیس ءِ لوٹ ءِ ھوالہ چہ اسٹیمیٹ ساچی ءِ تہ نابوی ءِ درشان کنگ ءُُ کمپریسرزءِ ھوالہ ءَ چہ معلومداری چیر دیگ ءِ سکیں نوٹس زوران ءَ دوئیں ادارگہانی منیجنگ ڈائریکٹرز ءِ ھلاپ زوت انکوائری ءِ حکم دیان ءَ وزیر ءِ پیٹرولیم ءَ را اے کارروائی آوکیں 72کلاکانی تہ سرجم کنان ءَ رپورٹ پیش کنگ ءِ کڈنی داتگ۔آہاں اے حکم چار شمبے ءَ ملک ءِ تہ گیس ءِ پھجارگ ءَ ودی بوتگیں بحران ءِ ھوالہ چہ مزن تکی دیوان ءِ سروکی کنان ءَ کتگ ات۔دیوان ءِ تہ ھزانگ وزیر اسد عمر، وزیرِ پٹرولیم غلام سرور خان، وزیرِ توانائی عمر ایوب، مزن وزیر ءِ ھاسیں کمکار افتخار درانی ،چیئرمین ٹاسک فورس برائے انرجی ندیم بابر، بنجاہی سیکرٹریزءُُ دگہ افسراں بہر زوراتگ۔دیوان ءِ تہ وزیرِ پٹرولیم غلام سرور خانءَ مزن وزیر ءَ را گیس ءِ جاورھال ءُُ انوگیں بحران ءِ سرا سرجمیں بریفنگ داتگ۔ مزن وزیر ءَ را سرپد کنگ بوتگ کہ ملکی پیداوار ءِ کمی ءُُ گیس کمپریسرز ءِ ھرابی ءِ ابید ھم اے گپ ءِ ھیال دارگ بوتگ کہ گسی کنزیومر اثرمند مہ بنت بلے سی این جی ءُُ لہتیں جنرل صنعتانی کیپٹیو پلانٹس ءَ را اڑاند ءِ دیما انت۔مزن وزیر ءَ کڈنی دات کہ گیس ءِ ڈیمانڈ ءُُ سپلائی ءُُ کنزیومر ءَ را گیس ءِ پھجارگ ءِ ھوالہ چہ منصوبگ بندی ءَ را گیش مھکم کنگ بیت تنکہ اے ھوالہ چہ باندات ءِ تہ اے رنگیں کمی ءِ دیم چارگ مہ بیت۔
