اسلام آباد ۔ 12 دسمبر (اے پی پی)بنجاہی وزیر جان سلامتی عامر محمود کیانی ءَ گوشت کہ مزن وزیر عمران خان ءِ وژن ءِ ردا جان سلامتی ءِ تک مئے اولی دلگوشی انت ءُُ جان سلامتی ءِ تک ءِ تہ گہتری ءِ ھاترا گہترکاری ءِ رد برجاہ انت۔آہاں اے گپ بریڈ فورڈ یونیورسٹی ءُُ لیور پول یونیورسٹی ءِ ڈل ءِ گوما گند ءُُ نند ءِ تہ کتگ۔اے درگت ءَ بریڈ فورڈ یونیورسٹی ءِ پروفیسر جان رائٹ ءَ جان سلامتی ءِ وزیر ءَ را سرپد کتگ کہ بریڈ فورڈ یونیورسٹی وزارت صحت ءِ کمک ءَ گوں پاکستان ءِ تہ اولی رندءَ برتھ Cohort سٹڈی کنگ ءَ روگ انت۔اے ریسرچ ءِ تہ نیوٹریشن، مینٹل ہیلتھ ، نان کمیونیکیبل ڈیزیز (این سی ڈی) ءُُ لہتیں نادراہی آنی سائنسی وڈ ءَ سبب ءَ دیما کارایت۔ ریسرچ چہ اے چہ سرپدی رسیت کہ مئے ملک ءِ تہ ہمہ کجام سبب انت کہ ایشاں چہ نادراہیانی تالانی سرا گرودار مشکل بوھگ انت۔ ریسرچ ءِ دگنیا ءِ تہCohort سٹڈی یک مستند سمجھگ بوھگ انت ایشی ءِ بنیات ءِ سرا مئے آوکیں وھد ءَ نادراہیانی باروا وتی پالیسی ءَ جوڈ کنگ انت۔اے پاکستان ءِ تہ جان سلامتی ءِ ھاترا ھاسیں گام انت۔پاکستان ءِ تہ مزنیں کساس ءَ اولی برتھ Cohortسٹڈی بیت۔دگنیا ءِ لہتیں ملکانی تہ ھم اے وڈیں پٹ ءُُ پول ءَ را نامداری رسگ انت۔
