اسلام آباد ۔ 12 دسمبر (اے پی پی) عالمی بینک ءَ گوشت کہ پاکستان پاور سیکٹر ءِ تہ ھرابیانی سرا گرودار کنان ءَ اقتصادی دیمروئی ءُُ روزگار ءِ موہ ءِ سرا ودکی کت کن ایت۔پاکستان پاور سیکٹر ءِ تہ ھرابیانی آسرءَ مالی سال 2015ءِ تہ ملکی معیشت ءَ را 18ارب ڈالریا جی ڈی پیءِ 6.5درسد سگگ بوتگ، گہترکاری ءِ وسیلگ ءَ بیئپاری تاوان ءِ تہ معیشت ءِ تہ 8.4 ارب ڈالر بچت کنگ بیت ءُُ مچ گسی آمدن 4.5 ارب ڈالر سالینہ تاں گیش کنگ بیت۔چار شمبے ءَ میاں اوستمانی بنک ءِ نیمگا چہ جاڑی نوکیں رپورٹ ءِ ردا پاکستان ءَ توان ءِ تاں رسگ ءُُ صلاحیت ءَ راودکی دیگ ءِ تہ مستریں سوبمندی حاصل کتگ۔ 1990چہ 2010ءَ تاں اولی رند ءَ تقریباً 91 ملین نوکیں مردماں را توان پھجارگ بوتگ بلے انوں 50ملین مردمانی گرڈ توان ءِ تاں رسائی نیست ات ءُُ لوڈشیڈنگ چہ بیئپار ،جان سلامتی ءُُ کسٹمرانی زند ءِ معیار اثرمند بوھگ انت۔
