اسلام آباد ۔ 12 دسمبر (اے پی پی) ڈن ملک ءَ نشتگیں پاکستانیز ءَ را آسراتی پھجارگ ءِ ھاترا منی وزارت شپ ءُُ روچ کار کنگ انت، ڈن ملک ءَ نشتگیں پاکستانی ملک ءِ مڈی انت ہمہ کہ ہمک ماہ ءَ کروڑاں ڈالر ءِ زر انی وسیلگ ءَ ملکی معیشت ءِ تہ وتی بہر ءَ مان کنگ انت، حکومت ہمہ کہ پالیسی ءَ جوڈ کنگ ایت اوورسیز پاکستانیانی مفاد ءَ لحاظ ایر کن ایت۔اے ھیالانی درشان مزن وزیر ءِ ھاسیں کمکار برائے اوورسیز پاکستانیز ذوالفقار عباس بخاری ءَ ’’اے پی پی‘‘ ءِ گوما ھاسیں گپ ءُُ تران کنان ءَ کتگ ات۔آہاں گوشت کہ حکومت ارباں کلدار ءِ شپوکی دارگ ءِ ھاترا گامگیج چست کنگ انت۔ڈن ملکاں چہ آوکیں پاکستانیاں را موبائلز ءِ سرا ٹیکس ءِ ھوالہ چہ گپ جنان ءَ آہاں گوشت کہ موبائل فونءِ سرا ڈیوٹی ایوکا شپوکی دارگ ءِ ھاتراجنئگ بوھگ انت۔پاکستان ءِ تہ آوکیں اوورسیز ءَ را ڈیوٹی چارجز گرگ ءِ ابید یک موبائل فون رجسٹر کنگ ءِ اجازت بیت، زائرین ءَ را رومنگ والا فون ءِ سرا ڈیوٹی چارجز ادا کنگ ءِ ضلورت نیست انت۔آہاں گوشت کہ 30روچاں چہ کم وھد تاں کارمرز کتگیں موبائل ءِ سرا ھم ٹیکس جنئگ مہ بیت۔
