اسلام آباد ۔ 12 دسمبر(اے پی پی)سپیکر راجی اسمبلی اسد قیصر ءِ گوما متحدہ مجلس عمل ءِ پارلیمانی ڈل ءَ گند ءُُ نند کتگ۔گند ءُُ نند کنوکانی تہ باسک بنجاہی اسمبلی مولانا عبدل اکبر چترالی، آفرین خان، زاہد اکرم درانی، محمد انور،اسعد محمود، منیر خان اورکزئی، محمد جمال الدین، عبد الشکور، عبدالواسع، کمال الدین، صلاح الدین ایوبی، عصمت اللہ، سید محمود شاہ، جیمزاقبال، عالیہ کامران ءُُ شاہدہ اختر علی ھوار اتنت۔دیوان ءِ تہ حکومتی وزیراں دیمپانی وزیر پرویز خٹک، دری کارانی وزیر مخدوم شاہ محمود قریشی ءُُ وزیر مملکت پارلیمانی امور علی محمد خان ھاسیں وڈ ءَ ساڑی اتنت۔ سپیکر قومی اسمبلی اسد قیصر نءَ اے درگت ءَ گوشت کہ منی ھاترا دراھیں اسمبلی باسک شرپ دار انت ،دراھیں گلانی باسکاں را بروبر حق دیگ منی اولی دلگوشی انت۔منی زند ءِ گیشترءِ بہر علماء کرامءُُ دینی مردماں گوں گوستگ انت۔ سپیکر بنجاہی اسمبلیءَ گوشت کہ ایوان ءِ کارروائی ءَ را راھبنداں گوں ھلائینگ منی فرض انت۔اے آسر ءَ لہتیں وھد ءَ حکومتی ءُُ اپوزیشن ءِ راھشون زہر بوھگ انت۔آہاں گوشت کہ اپوزیشن ءُُ حکومت ایوان ءِ دو جز انت ءُُ ایشانی سبب ءَ کانود ساچی عمل ءَ آھگ انت۔حکومت ءُُ اپوزیشنءِ تجربگ کاریں باسکاں چہ دزبندی کنان کہ آں ایوان ءِ کارروائی ءَ را گہتریں وڈ ءَ ھلائینگ ءِ ھاترا وتی کرد ءَ پیلو کن انت۔
