بنجائی وزیر ڈٹ بندی، شونداری و اصلاحات مخدوم خسرو بختیار نا کانفرنس آن تران

اسلام آباد۔ 12دسمبر (اے پی پی) بنجائی وزیر ڈٹ بندی، شونداری و اصلاحات مخدوم خسروبختیار پارینے کہ حکومت ادارہ جاتی اصلاحات نا کمک اٹ غٹ ادارہ غاتے سوگو بنداو تیا اتنگ کن پرعزم ءِ ہراڑان غٹ ادارہ غاک ملکی معاشی و راجی شونداری ٹی تینا کڑد ءِ ادا کننگ کیرہ۔ داخیال آتا درشانیءِ او چارشنبے نادے آ’’پاکستان نا معیشت شونداری نا درگہ غا‘‘ نا بابت آن مسہ دے ئی کانفرنس آن تران کرسا کرے۔ بنجائی وزیر پارے کہ ساڑی حکومت خراج ہلنگ نا کچ اٹی ودکی کن گام گیج کننگ ءِ۔ مستین اٹی مصنوعی وڑاٹ معیشت اٹی شون نشان تننگا۔ اوپارے کہ کھپت و زرکاری ٹی بے بریبری نا سوب آن کرنٹ اکاؤنٹ نسخان نا مون تروک ءِ ہراڑان کرنسی دباؤ نا گواچی مس۔ پاکستان اٹی کھپت نا کچ جی ڈی پی نا 95 درسد ءِ وخت اس کہ زرکاری و بچت بھاز کم ءِ ۔ بنجائی وزیر پارے کہ پاکستان نا معیشت ءِ ڈھانچہ جاتی ویل آتا مون تروک ءِ ۔ اوپارے کہ انسانی وسیلہ غاتا شونداری، پوسکن آ ٹیکنالوجی پائیدار بنداو تیا کشاری بشخ انا شونداری راجی رکھ و مالیاتی انکلوژن آ چکار کننگ ءِ۔