اسلام آباد۔ 12دسمبر (اے پی پی) بنجائی وزیر پٹرولیم غلام سرور خان پارینے کہ کراچی ٹی اُرائی کمرشل صارف و چنکا صنعت آتے کن گیس انا ہچ ءُ لوڈشیڈنگ اس اف۔ سندھ انا سی این جی اسٹیشن آتے گیس انا حالیت آک گچین مننگ آ فراوانی بناکننگک۔ چارشنبے نادے قومی اسمبلی ٹی اعتراضی ٹک آ عبدالقادر پٹیل پارے کہ سندھ اٹی 80 درسد گیس انا پیداوار80 درسد ءِ۔ سندھ اٹی غٹ سی این جی اسٹیشن تاحکم ثانی بند کننگانے و لس صارف آتے ہم گیس انا بابت بھاز مشکل آتون مون تروک ءِ۔ سندھ انا دیر آن پد گیس ءِ ہم بند کننگ انگ ءِ۔ عبدالقادر پٹیل پارے کہ سندھ انا گیسءِ بند کننگ آئین نا آرٹیکل 258 نا خلاف ورزی ءِ۔ اونا ورندی ٹی وزیر پٹرولیم غلام سرور خان پارے کہ کراچی ٹی اُرائی صارف، کمرشل صارف و وزیروریٹڈ صنعت آتے کن گیس انا ہچ ءُ لوڈشیڈنگ اس اف۔ اکتوبراٹی نن اوفتے نوٹس تسوسن کہ نم متبادل توائی آ ببو۔ سندھ انا سی این جی اسٹیشن تا ہندن حالیت گچین مریک گیس انا فراوانی بناکننگک۔سید نوید قمر پارے کہ آئین نا آرٹیکل 258 ءِ پامال کننگ انگ ءِ۔ نن خاص ءُ سیکٹر اسے نا ہیت ءِ کتنون نن مچ آ صوبہ نا آئینی حق انا ہیت ءِ کرینن۔ اونا ورندی ٹی وزیر پٹرولیم غلام سرور خان پارے کہ آئین نا داآرٹیکل نا وضاحت کن نن سپریم کورٹ تون رجوع کرینن داویل عدالت اٹی ءِ۔ اوپارے کہ دامعاملہ غاتیا ننا وزیراعلیٰ سندھ اتون اوڑدہی پک ءِ۔ غٹ ویل آتا ایسری اس کشنگک۔
