
اسلام آباد۔8جولائی (اے پی پی): بنجاھی وزیر برائے میری ٹائم جنید انور چوہدری ءَ گوشت کہ وزارت میری ٹائم ءَ یک نوکیں نگرانی روم ءِ جوڑ کنگ بیت، کنٹینر کلیئرنس ءِ درستیں پڑ آنی نگرانی ءِ واستہ ڈرون ءُ مصنوعی ذہانت ءِ کارمرد کنگ بیت، ءُ جہاز ءَ چہ کلیئرنس ءَ تاں ڈیجیٹل ٹریکنگ ءِ وسیلگ ءَ ہر پڑ ءِ نگرانی کنگ بیت۔ سئے شمبے ءِ روچ ءَ ایف بی آر ءِ ہیڈ کوارٹر ءَ بنجاھی وزیر زرئی امور جنید انور چوہدری ءِ سروکی ءَ مزن تک ءِ دیوان برجم دارگ بوت۔ اے موہ ءِ سر ءَ بنجاھی وزیر برائے میری ٹائم افیئرز ءَ گوشت کہ بندرگاہ ءَ کنٹینر آنی مدت ءَ را 70درسد کم کنگ ءِ ٹارگٹ ایر کنگ بوتگ۔ کلیئرنس ءِ تہا رکاوٹ آناں دور کنگ ءِ ھاترا یک مزنیں طاقت ءِ کمیٹی جوڑ کنگ بوتگ۔ کمیٹی ءِ سروک ایڈیشنل سیکرٹری میری ٹائم افیئرز عمر ظفر شیخ بیت۔ ایف بی آر، کسٹم، کے پی ٹی ءُ اے دگہ ادارگ کمیٹی ءِ تہا ہوار بنت ۔ کمیٹی ءَ را ہدایت کنگ بوتگ کہ آ 10 روچ ءِ تہا سفارشات جمع بہ کنت۔ وزارت بحری امور ءِ تہا یک نوکیں نگرانی روم ءِ جوڑ کنگ بیت۔ ڈرون ءُ مصنوعی ذہانت کنٹینر ءِ کلیئرنس ءِ درستیں مراگشانی نگرانی ءَ کنت۔ جہاز ءَ چہ کلیئرنس ءَ تاں ہر مرحلہ ءَ ڈیجیٹل ٹریکنگ ءِ وسیلگ ءَ نگرانی کنگ بیت۔ کنٹینر کلیئرنس ءِ تہ ءَ تاخیر درآمد کنوک ءُ برآمد کنوک آنی سر ءَ گیشیں مالی بوجھ ءِ سبب جوڑ بیت۔