پاکستان ءِ ڈیری ءِ شوبگ ءِ دیمروئی ءِ بابت ءَ جتا جتائیں کار آنی سر ءَ ھیال ریچی
اسلام آباد ۔ 11 دسمبر (اے پی پی) مزن وزیر عمران خان ءَ گوں اینگرو فوڈز اینڈ فرائیزلینڈ کمپینا ءِ میاں اوستمانی لیڈرشپ ءَ گند ءُُ نند کت ءُُ پاکستان ءِ ڈیری ءِ شوبگ ءَ دیمروئی ءِ بابت ءَ جتا جتائیں کار آنی سرءَ ھیال ریچی کت۔ فرائیزلینڈ کمپینا ہالینڈ ءِ ملٹی نیشنل ڈیری کمپنی اِت ایش 34 ملک آنی تہ ءَ وتی استی ءِ گوما دُگنیا ءِ ششمی درستاں چہ مستریں کمپنی اِنت۔ سئے شمبے ءَ بوھوکیں گند ءُُ نند ءَ فرائیزلینڈ کمپینا ءِ چیف ایگزیکٹو آفیسر ہیئن شومیکر ءَ مزن وزیر ءَ را ڈیری ءُُ لائیو سٹاک فارمنگ ءِ شوبگ ءَ کمپنی ءِ 145 سال دراج بُریں تجروبت ءُُ پاکستان ءَ وردنی رکھینگ ءِ فریم ورک ءِ جوڑیشت ءِ بابتءَ استیں کمک ءِ بابت ءَ سرپد کت۔ آئی ءَ گوشت کہ پاکستان ءَ ڈیری ءِ شوبگ ءَ ٹوھیں ازم ءِ رد ءَ فرائیزلینڈ کمپینا ادا وردنی چیز ءِ پیداک کنگ ءِ ھوالگ ءَ ٹیکنالوجی ءُُ جوانیں کار رپک آناں سہرا کنان ءَ وتی کاروبار ءَ را گیش شاھیگان کنگ ءِ واھشت ایگ اِنت۔ مزن وزیر ءَ فرائیزلینڈ کمپینا ءُُ اینگرو فوڈز ءِ نیمگ ءَ پاکستنا ءَ وتی کاروبار ءَ را گیش شاھگان کنگ ءِ واھشت ءَ را ساڑات۔ اے موہ ءِ سرءَ پریذیڈنٹ کنزیومر ڈیری فرائیزلینڈ کمپینا رائل وین نیربوس، منیجنگ ڈائریکٹر اینگرو فوڈز علی احمد خان ءُُ ڈائریکٹر کارپوریٹ آفیئرز اینگرو سعود احمد پاشا ءَ ابید وزیر برائے نیشنل فوڈ سیکورٹی اینڈ ریسرچ صاحبزادہ محمد محبوب سلطان، مزن وزیر ءِ ھاسیں کمکار نعیم الحق، چیئرمین سرمایہ کاری بورڈ ہارون شریف ءُُ سیادی داروکیں کارندہ ھم ساڑی اتنت۔
