اسلام آباد ۔ 11 دسمبر (اے پی پی) تژن ءُُ بچکند چاگرد ءَ دوستی، ایمنئی ءُُ سگ ءُُ اوپار ءَ را ودینگ ءِ واستہ جوانیں بھر اِت، ورنائیں باھند آناں اے پڑ ءَ دلگوش کنگ ءِ ضلورت اِنت، امینہ انصاری ءَ وتی کوشست ءُُ ازمکاری ءِ وسیلگ ءَ جتا جتایں سیوالائزیشن آناں نزیک آرگ ءِ کوشست کنگ ءَ انت۔ اے ھیالانی درشانی ڈائریکٹر جنرل پی این سی اے جمال شاہ ءَ پاکستان نیشنل کونسل آف دی آرٹس ءِ چیر دستی ءَ برجم داشتگیں 2ماھی دراج کشیں آرٹ ورکشاپ ’’فورٹریچر اینڈ ایکپریشنزم‘‘ ءِ بھر زوروکیں مردم آناں سرٹیفیکیٹ دیگ ءِ ساھت ءَ کت۔ آئی ءَ گوشت کہ پی این سی اے ورنا آناں تژن ءُُ بچکند ءِ زانشت پُجارینگ ءِ واستہ کوشست کنگ ءَ اِنت ءُُ اے ورکشاپ ھمے کوشست آنی برورد اِنت۔ آمینہ انصاری ءَ ورکشاپ ءِ ساھت ءَ ترندیں محنت کنان ءَ بھر زوروک آنی رھشونی کت۔ آمینہ انصاری ءَ گوشت کہ آرٹ ءِ ایچ سیم سر نیست ءُُ دُگنیا ءِ توک ءَ ایمنی ءِ کلوہ ءَ را لس کنگ ءِ واستہ مارا وتی کوشست آناں جاڑی دارگ لوٹ ایت۔ آئی ءَ گوشت کہ ازمکار ایمنی ءِ ربال اِنت ءُُ وتی کوشست آنی وسیلگ ءَ چاگرد ءَ را گہتر جوڑ کت کنت۔ نماش ءِ تہ ءَ ایندگر ازمکار آنی ساچست آناں ایر کنگ ھم بوت۔ گڈ ءَ ورکشاپ ءِ بھر زوروکیں مردم آناں دادی سند دیگ بوت۔
