اسلام آباد۔ 11دسمبر (اے پی پی) پاکستان و برطانیہ بندی تا تبادلہ نا بابت معاہدہ ءِ زوت پک، علاقائی سلامتی، انسداد دہشت گردی ، سجفوک ڈوہ، منی لانڈرنگ، میرات آتا ریکوری تون اوار ایلو ہڑتوم آ کنڈآتا سیاسی ، اقتصادی و واپاری بشخ آتے ٹی کمکاری ءِ ودفنگ آ امنا کرینو۔ داامنائی سے شنبے نادے وزیر خارجہ شاہ محمود قریشی و اونا برطانوی ہم منصب جیریمی ہنٹ انا نیام اٹ ہیت وگپ اٹی مس۔ دفترخارجہ نا ترجمان نا رداٹ برطانوی وزیر خارجہ جیریمی ہنٹ سے شنبے نادے تینا پاکستانی ہم منصب شاہ محمود قریشی تون ٹیلی فون آ رابطہ کرے۔ ہڑتوم آ وزیر خارجہ غاتا نیام اٹ ہڑتوم آ کنڈآتا تعلقداری، اہم علاقائی و تین پہ تینی است خواہی نا معاملہ غاتیا خیال آتا درشانی و ہڑتوم آملک آتا نیام اٹ ہڑتوم آ کنڈآتا تعلقداری نا ساڑی نوعیت آ است جمی نا درشانی ءِ کریر۔ ہڑتوم آ وزیر خارجہ غاک پاکستان و برطانیہ نا نیام اٹ بندی تا تبادلہ نا معاہدہ نا بابت خیال آتا درشانی و دامعاہدہ ءِ زوت پک و پاک برطانیہ سٹریٹجک مذاکرات نا چارمی دور 2019نا اولیکو سہ ماہی ٹی لندن اٹی اڈتننگ آ امنا کریر۔ داکان بیدس ہڑتوم آ کڑدہ غاک پاکستان و برطانیہ نا نیام اٹ علاقائی سلامتی، انسداد دہشت گردی، سجفوک ڈوہ، منی لانڈرنگ ، میرات آتاریکوری تون اوار ایلو ہڑتوم آ کنڈآتا سیاسی، اقتصادی و واپاری بشخ آتے ٹی کمکاری ءِ ودفنگ آہم امنا کریر۔
