ملائیشیا و پاکستان نا نیام اٹ اقتصادی وواپاری تعلقداریک است بڈ ءُ، ہرافتے پین مون آ دننگ خوانہ
اسلام آباد۔ 11 دسمبر (اے پی پی) وزیر خارجہ شاہ محمود قریشی پارے کہ ملائیشیا و پاکستان نا نیام اٹ اقتصادی و واپاری تعلقداریک است بڈ ءُ ہرافتے نن پین مون آ دننگ خوانہ۔ داہیت ءِ او ملائیشین ای کامرس نا پنی کمپنی سسکام برھد نا سروک داتو سری لیو آریانیا کام تون ہیت وگپ کرسا پارے ہرا سے شنبے نادے داڑے وزارت خارجہ ٹی اوڑتون اوڑدہی کرے۔ ترجمان نارداٹ وزیر خارجہ پارے کہ ساڑی حکومتی گام گیج آتیان پاکستان اٹی پیشن نا زرکاری نا رجحان ترندی اٹ ودنگ ءِ۔ اوپارے کہ داوخت آ بھاز انگا ملائیشین کمپنیک پاکستان اٹی تعمیرات ، سٹرکچر بلڈنگ، ایجوکیشن ، ایئر پورٹ ، رئیل سٹیٹ، حلال غذا، کشت وکشار و ایلو کیہی بشخ آتے ٹی زرکاری کرسا فائدہ ہرفنگ ءُ۔ ملائیشین کمپنی نا سروک وزیر خارجہ ءِ تینا کمپنی نا سرجم آتیان معلومدار کرسا پارے کہ اونا کمپنی ای کامرس و ای سلوشنز نا بزنس تون وابستہ ءِ وخت اس کہ مچ آ دنیاٹی ننا 20 کروڑ آن زیات صارف ءُ۔
