اسلام آباد۔ 11 دسمبر (اے پی پی) بنجائی وزیر ڈٹ بندی ، شونداری و اصلاحات مخدوم خسرو بختیار پارینے کہ حکومت نا گوادر بندرگاہ ءِ بلیو اکانومی نا اصول آتا بنداو آ شونداری اولیت ءِ، گوادر اٹی آئل سٹی اسے نا جوڑ کننگ کن سعودی حکومت تون مذاکرات مننگ ءِ۔ سے شنبے نادے سی پیک سیکرٹریٹ آن جاری بیان نا رداٹ بنجائی وزیر پارے کہ حکومت گوادر اٹی تعمیر و شونداری نا بابت آن پرعزم ءِ، سی پیک نا رداٹ گوادر اٹی بجلی، انفراسٹرکچر نا چندی ڈٹ آتون اوار اوار اہم ڈٹ آتیا کاریم برجاءِ ہرافتا پوروی آن گوادر جہانی شار تا فہرست اٹی تینا جتا ءُ ہند اس دوئی کیک۔ اوپارے کہ گوادر اٹی آئل ریفائنری آن بیدس کرکی علاقہ و کرکی سیل وسوات تون ماہی گیری و سمندری غذا کن دیری کشت وکشار نا شونداری ءِ مون آ دروئی ءِ۔ اوپارے کہ گوادر ایئر پورٹ تون اوار اوار گوادر ماسٹر پلان، ایسٹ بے ایکسپریس وے، گوادر ہسپتال نا اپ گریڈیشن و آبنوشی ڈٹ آتیا ہم کاریم ءِ ترند کننگانے۔ داڈٹ آتا پوروی آن گوادر دنیا نا پوسکن آ شار تا صف اٹی اوار مریک۔ حکومت پاکستان بلوچستان نا الس نا راجی و اقتصادی شرحالی، انفراسٹرکچر ، توانائی و جان جوڑی نا آسراتی تون اوار گوادر نا شونداری آ چکار کرینے، سی پیک نا دروشم اٹ جاری ڈٹ نئے بیرہ علاقائی رابطہ غاتے کن اہم مریک بلکن بلوچستان تون اوار پاکستان نا غٹ صوبہ غاتا تقدیر بدل کیک ہلک۔
