اسلام آباد۔ 11دسمبر (اے پی پی) پاک بحریہ کن جوڑ کروک آ پوسکن انگا 3000 ٹن سروے جہاز نا چین اٹی لانچنگ مس، جہاز نا مرغنی 80 میٹر آن زیات ءِ، ہراسروے نا پوسکن آ ازباب آتیان لیس ءِ و کڑمب انگا سمندر اٹی آپریشن کننگ نا لائخی تخک۔ ترجمان پاک بحریہ نا رداٹ دود انا مہمان خاص چیف نیول اوورسیزچائنا، کموڈور اظفر ہمایوں ئس۔ دود اٹی شپ یارڈ، ہندی حکومت و پاک بحریہ نا کمامدارآک ساڑی ئسر۔ پوسکن انگا سروے جہاز پاکستان نا میرین ریسرچ اٹی سوگوی نا سوب مریک و زیر آب پٹنگ و سروے نا آپریشن آتا آسراتی فراوان کیک۔ سروے جہاز نا اوار مننگ آن پاک بحریہ نا بحری جغرافیائی سروے کننگ نا لائخی ٹی پین ودکی مریک۔ سروے جہاز اگست 2019 ء نا ایسر اسکان پاک بحریہ نا بیڑہ نا بشخ جوڑ مریک۔ پاک بحریہ ہائیڈرو گرافی ٹی درخشاں روایت آتیا مالک ءِ۔
