اسلام آباد۔ 11 دسمبر (اے پی پی) فوکل پرسن انسداد پولیو بابر بن عطاء پارینے کہ مچ آ ملک اٹی جاری انسداد پولیو مہم اٹی 5سال آن کم 3کروڑ80 لکھ آن زیات چناتے پولیو آن بچفنگ نا پڑی کفنگ انگ ءِ ، 2014 ء آن پولیو کیس آتے ٹی 97 درسد کمتی بس، نومبر اٹی ملک انا ہفت بھلا شار تے ٹی پولیو وائرس پک مسوسس، پولیو مہم اٹی لمہ وباوہ ودی مننگ آن پنچ سال اسکان نا چناتے پولیو ویکسین نا اِراپڑی ضرور کنفر۔ سے شنبے نادے تینا بیان اٹی اوپارے کہ مچ آ ملک اٹی 4دے ئی انسداد پولیو مہم ارٹ میکو دے سرسہبی اٹ برجاسلیس۔ اینخو سال انا آخیری انسداد پولیو مہم اٹی 5سال آن کم 3کروڑ 80 لکھ آن زیات چناتے پولیو آن بچفنگ نا پڑی کنفنگک۔ پولیو مہم اٹی 2لکھ 70 ہزار جان جوڑی محافظ بشخ ہلنگ ءُ۔ دا پولیو ٹیمک اُرااُراغا ہنسا ودی مننگ آن ہلیس 5سال اسکان نا چناتے پولیو نا پڑی کنفرہ۔ کوآرڈینیٹر قومی ایمر جنسی سنٹر انسداد پولیو ڈاکٹر رانا صفدر تینا بیان اٹی پارے کہ ساڑی موسم پولیو وائرس نا چٹفنگ کن گچین ءِ قومی انسداد پولیو پروگرام نا پورو کوشست ءِ کہ پولیو وائرس ءِ پولیو مہم نا کمک اٹ ہمیشہ کن چٹفر۔ اومستی پارے کہ قومی انسداد پولیو پروگرام مچ آ ملک اٹی داہیت ءِ المی جوڑ کرینو کہ چناتے پولیو پڑی ضرور کنفر تانکہ وائرس آن جان ءِ خلاص کننگ مرے۔
