کراچی۔ 9 دسمبر (اے پی پی) پاک بحریہ ءِ تہ 9 دسمبر ہنگور ڈےءِ بستار ءَ گوں گوازینگ بوھگ انت۔اے روچ 1971 ءِ جنگ ءِ ساعت ءَ پاک بحریہ ءِ آبدوز ہنگور ءِ بے مثال دلیری ءُُ غیر متزلزل جزم ءِ یات ءِ تہ دارگ بوھگ انت۔یک شمبے ءَ جاڑی جارانگ ءِ ردا پاک بحریہ ءِ آبدوز ہنگورءَ بھارتی بحریہ ءِ گراب آئی این ایس ککری ءَ را9 دسمبر ءِ روچ ءَ تباہ کتگ ات۔ایشی ءِ یات ءَ 47 می ہنگور ڈے مگوازینگ ءِ ھاترا پاک بحریہ ءِ سب میرین سکوارڈن ءَ یک پُرشانیں مراگش ءِ برجم داری کتگ۔ پاک بحریہ ءِ آبدوز ہنگور ءِ کارندھانی اے دلیری ءَ را ساڑاتگ ءُُ ایشاں را 4 ستارہ جرأت،6 تمغہ جرأت ءُُ 14 امتیازی اسناد چہ نوازگ بوتگ۔ ہنگور ڈے ءِ مراگش پاکستان میری ٹائم میوزیم ءِ تہ پاکستان نیوی سب میرین ہنگور ءِ عقب ءِ تہ برجم دارگ بوتگ۔ وائس ایڈمرل( ر) عبید اللہ خان اے موہ ءَ ھاسیں مہمان اتنت۔ کمانڈر پاکستان فلیٹ ریئر ایڈمرل محمد امجد خان نیازی ءَ ھاسیں مہمان ءِ آھگ ءِ سراایشان را وش اتک کتگ۔مراگش ءِ گڈی بہر ءَ مہماناں را پاک بحریہ ءِ پیسریگیں آبدوزہنگور ءِ تروتاب کنائینت ات۔مراگش ءِ تہ پاک بحریہ ءِ آبدوزہنگورءِ غازیانی ھوار مزنیں کچ ءِ تہ ٹوھیں حاضر سروس ءُُ ایٹائرڈ نیول افسراں بہر زوراتگ۔
