لندن۔08 دسمبر(اے پی پی)بنجاہی وزیر ھالرسانی چوہدری فواد حسین ءَ گوشت کہ پاکستان ءِ تہ نوں کرپشن ءُُ منی لانڈرنگ ءِ ہچ گنجائش نیست ات،مزن وزیر عمران خان ءِ راھشونی ءِ تہ پاکستان تحریک انصاف ءِ حکومت ملک چہ کرپشن ءِ ھلاسی ،گڈگورننس ءُُ کانود ءِ حاکمی ءِ ھاترا پُرجزم انت۔اے ھیالانی درشان آہاں پاکستانی ہائی کمیشن ءِ تہ برطانیہ ءَ نشتگیں پاکستانی کمیونٹی ءِ یک مچی ءَ گوں تران کنان ءَ کتگ ات۔ برطانیہ ءِ تہ پاکستان ءِ ڈپٹی ہائی کمشنر محمد ایوبءَ ھم اے موہ ءَ تران کتگ۔ چوہدری فواد حسین اے روچاں برطانیہ ءِ تروتاب ءِ سرا انت ،آہاں لس گچینکاری ءِ تہ پاکستان تحریک انصاف ءِ چیئرمین ءِ پلہ مرزی ءُُ ڈن ءَ نشتگیں پاکستانیانی منت گپتگ ات۔آہاں گوشت کہ پاکستان ءِ متوسط تبک ءُُ ڈن ملکاں نشتگیں پاکستانیاں تحریک انصاف ءُُ گلے سروک عمران خان ءَ را بدلی ءُُ کانود ءِ حاکمی ءِ ھاترا ووٹ داتگ ات،اے ملک ءِ مڈل کلاس ءِ باج انت۔آہاں گوشت کہ کرپشن ءَ را بُن چہ ھلاس کنگ ،منی لانڈرنگ ءِ ھلاسی ،شریں گورننس ءُُ کانود ءِ بُرزی ءِ ٹارگٹ ءِ زورگ مزن وزیر عمران خان ءِ راھشونی ءِ تہ پاکستان تحریک انصاف ءِ پالیسی انت۔آہاں گوشت کہ بابائے راج قائداعظم محمد علی جناح ءُُ وت عمران خان ڈن ملکی پاکستانی بوتگ ات ءُُ دوئیں راھشوناں مردمانی حقانی رکھگ ءِ ھاترا ھاسیں کرد ادا کتگ۔آہاں گوشت کہ پاکستان تحریک انصاف ءِ حکومت ءِ جوڈ بوھگ سٹیٹس کو ءُُ کرپٹیں نظام ءِ ھلاپ ءَ مڈل کلاس ءِ آشوب انت، تحریک انصاف ءِ اولی رند ءَ تاگتوریں مردماں ءُُ گروپان کانود ءِ کٹہڑہ ءَ آرتگ۔ہما گروپ کہ وتارءَ کانود چہ برز سرپد کنگ ات آہاں را دزگیر کنگ بوتگ۔بنجاہی وزیر ءَ گوشت کہ پاکستان تحریک انصاف ءِ حکومت ءِ تہ تاگت وریں تبکانی کانود ءِ سرا پریشر ءِ دیم انت، حکومت ابید پرک ءِ احتساب ءِ سرا سدکی دارگ انت ءُُ ہر کسے ھم کرپشن ءَ ھوار بیت ایشی ءِ ھلاپ ءَ کارروائی کنگ بیت،گوست ءِ حکومتاں کرپٹیں مردمانی ھلاپ ءَ ھتیٰ کہ کشندہانی ھلاپ ءَ ھم ہچ گام چست نہ کتگ۔ پاک بھارت سیادیاں ھاسکرکشمیر ءِ جیڈھءِ گپ جنان ءَ بنجاہی وزیر ءَ گوشت کہ ھالرسانی ءِ وزیر ءَ گوشت کہ پاکستان ءُُ بھارت ءَ گوں گہتریں سیادی ءُُ گپ ءُُ گالوار ءِ وسیلگ ءَ کشمیر ءِ پرامنیں حل لوٹگ انت۔ پاکستان ءُُ بھارتءِ میان ءَ کشمیر ءِ سرا سئے جنگ بوتگ ات بلے جیڈھ حل مہ بوتگ۔بنجاہی وزیر ءَ گوشت کہ پاکستان ءَ بھارت ءِ گوما جموں ءُُ کشمیرءِ دیریگیں جیڈھءِ ھوار دراھیں حل بیوکیں معاملہاں را گپ ءُُ تران ءِ وسیلگ ءَ حل کنگ ءِ کوشست کتگ ات بلے اپسوز انت کہ بھارت ءَ ہروھد ءَ پاکستان ءِ نیمگا چہ گپ ءُُ تران ءِ پیشکش رد کتگ۔آہاں گوشت کہ کرتارپور کشک پچ کنگ ءِ گام ءِ ھوالہ دیان ءَ گوشت کہ اے کشک ءِ وسیلگ ءَ بھارت ءِ سکھ کمیونٹی ءِ باسکان پاکستان ءِ تہ مذہبی دمگانی چارگ ءِ تہ کمک رسیت
