اسلام آباد ۔ 8 دسمبر (اے پی پی) مزن وزیر عمران خان ءِ ھاسیں کمکار برائے سمندر پار پاکستانیز سید ذوالفقار عباس بخاری ءَ گوشت کہ ڈن ملکاں نشتگیں پاکستانیانی زھگاں را گیشاں گیش تعلیمی آسراتی ءِ پھجارگ ءِ ھاترا اوورسیز پاکستانیز فاؤنڈیشن سکول سسٹم ءِ تہ کوکاءِ بدلی کارانت۔گوجرانوالہ ءُُ لاہور وڈیں دمگاں اے سکولانی ضلورت انت تنکہ اودا نشتگیں تارکین وتن ءِ ھاندان ایشاں چہ پائدگ ءَ چست کت کن انت۔اے ھیالانی درشان ھپتگ ءَ اسلام آبادکانوینٹ ءِ سالینہ روچ ءِ درگت ءَ مراگش ءِ گوما تران کنگ ات۔آہاں گوشت کہ نامدایں سکولانی سروکاںھوار آوکیں ھپتگ ءَ یک ٹاسک فورس جوڈ کن انت۔تنکہ او پی ایف اسکول ءَ را گیش گہتر کنگ بیت۔اے گپ ادا الم انت کہ او پی ایف ءِ 24اسکولانی تہ تارکین وطن ءِ سئے ہزار 697زھگ وانگ انت۔ایشی ءَ چہ پیسر ءَ مراگش چہ تران کنان ءَ مزن وزیر ءِ کمکار ءَ اسلام آباد کانوینٹ سکول ءِ عملہ، نودربر ءُُ والدین ءَ را سالینہ روچ ءِ برجمی ءِ سرا مرادباتی داتگ۔اے درگت ءَ اسلام آباد کانونٹ ءِ لہتیں کلاسانی نودربرانی ربیدگی سرگرمیانی وسیلگ ءَ وتی فن ءِ درشان کتگ ءُُ ملک ءِ چاریں صوبگاں ھوار گلگت بلتستان ءُُ کشمیر ءِ ربیدگی رنگ ءِ وسیلگ ءَ شریک ءَ را گٹ کتگ۔
