اسلام آباد ۔ 8 دسمبر (اے پی پی)صدرمملکت ڈاکٹرعارف علویءَ گوشت کہ ایوان صدر ءَ را مہلوک ءِ ھاترا پچ کنگ ءِ مکسد ایوان ءِ صدر ءُُ مہلوک ءِ نیام ءَ فاصلہ کم کنگی انت،مئے دعوت ءِ سرا ایوان صدر ءَ اتکگیں مردماں را وش اتک کنگ اوں،راجدپتری وڈ ءِ چیزانی ءُُ کاگدءَ ھم مہلوک ءِ ھاترا ایر کنگ لوٹگ اوں،کسے ءِ ھم محالفت نیستاں،صدر ءِ اگدھ بنجاھ ءِ علامت انت،ایوان ءِ صدر ءِ کارگس ھم راج ءِ ھاترا پچ کنگ ءِ واھشت انت۔ ایوان صدرءِ تہ نودربرانی چار ءُُ تپاسی تروتابانی ھیرمقدم کناں۔تاک پچ انت۔اے ھیالانی درشان آہاں ھپتگ ءَ ادا ایوان صدر ءِ تہ میڈیا ءُُ ایوان صدر ءِ چارگ ءِ ھاترا اتکگیں شہریاں گوں گپ ءُُ تران کنان ءَ کتگ ات۔زالبول اول ثمینہ علوی ھم اے ساعت ءَ صدر ءِ گوما ھوار اتنت۔صدر مملکت نمازظہرءِ پداایوان صدر ءِ تہ اتکگیں مردماں گوں دست دراہی کتگ۔شہریاں اے ساعت ءَ ملک ءِ صدر ءِ پُرشانیں ھیر مقدم کتگ،اے درگت ءَ میڈیا ءُُ شہریاں گوں گپ ءُُ تران کنان ءَ ملک ءِ صدر ءَ گوشت کہ آں مروچی ادا آیوکیں مردماں را وش اتک کنگ ایں،مروچی سہب چہ ایوان صدر ءِ تہ زھگانی لیب ءِ ندارگ ءُُ آہاں توار اھگ ات۔ صدرءَ گوشت کہ شہریاں مروچی نظم ءُُ ضبط ءِ درشانی کتگ۔ایوان ءِ صدر باز زیبائے جاھ انت ءُُ من ادا اتکگیں دراھیں مردماں را وش اتک کنگاں۔مئے دعوت ءَ اتکگیں دراھیں مردمانی منت ءَ گرگ اوں،صدر ءَ گوشت کہ منی کوشست انت کہ ماہ ءِ تہ دو بار ایوان ءِ صدر ءَ مہلوک ءِ ھاترا پچ کنگ بیت،مہ بند ءُُ بوج ءَ گہتر کنگ ءِ کوشست کنگ اوں،ایوان ءِ صدر ءِ بروبر یک پارک انت، کوشست کناں کہ ایشی ءَ را دائمی وڈ ءَ مہلوک ءِ ھاترا پچ کنان،اے ھوالہ ءَ سی ڈی اے ءِ گوما گپ ءُُ تران کنوں تنکہ ھپتگ ءِ تہ پنچ یا شش روچ پارک مہلوک ءِ ھاترا پچ بیت۔صدرمملکتءَ گوشت کہ اے واھشت انت کہ ادا اتکگیں مردم کلیں ایریا ءَ دیست کن انت۔ ایوان صدرءِ تہ ہمہ راجدپتری ہال ھم انت اودا صدر،مزن وزیراں،بنجاہی وزیراں، چیف جسٹس ءُُ آئینی ادارگہانی سروک سوگند چست کنگ انت۔آہاں گوشت کہ راج ءَ راجدپتری ماڑیاں،چیزاں ءُُ کاگداں چارگ لوٹ ایت۔ ایوان صدر ءَ را سہب ءِ 9بج چہ داں بیگاھ 4بج ءَ لس مہلوک ءِ ھاترا پچ کنگ بوتگ۔ایشی ءَ چہ پیسر ءَ گورنر ہاؤس کراچی، گورنر ہاؤس لاہور ءُُ گورنر ہاؤس پشاورءَ را ھم مہلوک ءِ ھاترا پچ کنگ بوتگ ات۔ھپتگ ءِ روچ ءَ ایوان ءِ صدر ءِ چارگ ءِ ھاترا اتکگیں زالبول،زھگانیءُُ پیروکیں مردمانی مزنیں کچ ساڑی ات۔
